ڤان دایک پەیامێکی روون بۆ ئارنۆڵد ده‌نێرێت
یاریگا –
ڤێرجیڵ ڤان دایک کاپتنی لیڤەرپوڵ، پێش یارییان به‌رامبه ریال مه‌درید باسی یارییه‌كه‌یان به‌رامبه‌ر ریال مه‌درید و هاورێیه‌كه‌ی له ریال مه‌درید ئالێكسه‌نده‌ر ئارنۆڵد كرد.
پێش یارییە چاوەڕوانکراوەکەی نێوان لیڤەرپوڵ و ڕیاڵ مەدرید لە چامپیۆنزلیگ، ڤێرجیڵ ڤان دایک، ئەستێرەی هێڵی بەرگری و کاپتنی یانەی لیڤەرپوڵ، به‌شداری كۆنگره‌یه‌كی رۆژنامه‌وانی كرد و رایگەیاند کە سەردەمی هاوڕێیەتییان لەگەڵ ترێنت ئەلێکساندەرئارنۆڵد لەناو یاریگادا کۆتایی هاتووە و ئێستا تەنیا وەک ڕکابەرێک سەیری دەکەن.
لەوەڵامی پرسیارێکدا سەبارەت بەوەی ئایا پێش یارییەکە قسە لەگەڵ ئارنۆڵد دەکات، ڤان دایک بە ڕوونی وەڵامی دایەوە،
“نەخێر، من ژیانی خۆم دەژیم و ئەویش ژیانی خۆی لە مەدرید دەژی. ترێنت یاریزانێکی زۆر بەهرەمەندە و بۆ ئێمە گرنگ بوو، من دڵخۆش بووم کە لەگەڵمان بوو، بەڵام ئێستا ئەو ڕکابەری ئێمەیە لە یارییەکەی ڕۆژی سێشەممەدا.”
کاپتنی لیڤەرپوڵ ستایشی ئەو ڕۆڵە گرنگەی کرد کە ئارنۆڵد لە ماوەی یاریکردنیدا لە یانەکەدا هەیبووە و گوتی،
“ئەو یاریزانێکی زۆر بەهرەمەند بوو و بە درێژایی ئەو هەموو ساڵە بۆ ئێمە گرنگ بوو. من دڵخۆش بووم کە لە تیپەکەمدا بوو، ئێمە پێکەوە سەرکەوتنی زۆر گەورەمان بەدەستهێنا. بەڵام ئێستا ئەو ڕکابەری ئێمەیە، و ئەگەر بەشداری بکات، پێویستە کارەکەی لەسەر قورس بکەین و نەهێڵین ئەو کارانە بکات کە تێیدا باشە.”
کاتێک پرسیاری ئەوەی لێکرا کە چاوەڕوانی چ جۆرە پێشوازییەک لەلایەن هاندەرانی ئانفیڵدەوە بۆ ئارنۆڵد دەکات، ڤان دایک بە زیرەکییەوە تۆپەکەی فڕێدایە گۆڕەپانی میدیاکارانەوە و گوتی،
“با بزانین پێشوازییەکە چۆن دەبێت. من ناڵێم کە دەمەوێت کەشوهەوایەکی دوژمنکارانە هەبێت، و هیچ لێدوانێکیش لەسەر ئەوە نادەم، دەتانەوێت کەشوهەواکە دوژمنکارانە بێت؟ من پێموایە ئەو لە ماوەی یاریکردنیدا لە لیڤەرپوڵ نایاب بوو، ئەوە هەموو شتێکە کە دەتوانم بیڵێم.”
قسەکانی ڤان دایک بە ڕوونی ئەوە نیشان دەدەن کە سەرەڕای ڕێزی زۆری بۆ مێژووی ئارنۆڵد لەگەڵ یانەکەدا، بەڵام لەناو یاریگای ئانفێڵددا هیچ سۆز و هاوڕێیەتییەک نابێت و لیڤەرپوڵ بە هەموو هێزییەوە کار بۆ ڕاگرتنی ئەو و یانەکەی دەکات.
