بارسا بانگی دەکات؛ کەین بیر لە جێهێشتنی بایرن میونشن دەکاتەوە
بارسا سێ ئامانجی سەرەکی هەیە
یاریگا –
هاری کەین، ئەستێرەی بایرن میونشن بیر لە پەیوەندیکردن بە بارسێلۆنا دەکاتەوە.
رۆژنامەی سپۆرت بڵاویکردووەتەوە، کاپتنی ئینگلتەرا وەرزێکی نائاسایی لەگەڵ میونشن پێشکەش دەکات، تەنیا لە 20 یاریدا، 25 گۆڵ و چوار پاسی یەکلاییکەرەوەی هەیە.
بەگوێرەی ئامارەکان بێت، کەین یەکێکە لە باشترین و لەوانەیە باشترین هێرشبەری سەرەڕمی ئێستای جیهان بێت.
رۆژنامەکە روونیکردووەتەوە، بەهای ئێستای کەین لە دەوروبەری 65 ملیۆن یۆرۆیە و ئەمەش ئاستەنگ لە بەردەم گواستنەوەی دروست ناکات.
کەین بیر لە پەیوەندیکردن بە بارسێلۆنا دەکاتەوە و پێی وایە دەتوانێت مێژووێکی گەورە بنووسێتەوە، هەرچەندە تاوەکو کۆتایی ئەم وەرزە هیچ بڕیارێک نادات.
💣 Harry Kane valora la opción de fichar por el Barça en verano
🚨 Tiene cerrada una cláusula de salida por 65 millones y su entorno ha mantenido contactos con clubs
✍️ L. Miguelsanzhttps://t.co/YJxoHQl4FJ
— Diario SPORT (@sport) November 2, 2025
مەرجی هەڵوەشاندنەوەی گرێبەستی کەین بریتییە لە 65 ملیۆن یۆرۆ و لە هاوینی ساڵی داهاتوو چالاک دەکرێت، چونکە تەنیا یەک ساڵ بۆ بەسەرچوونی گرێبەستەکەی لە میونشن دەمێنێت.
بارسێلۆنا ئامادەکاری بۆ سەردەمی دوای رۆبێرت لیڤاندۆڤسکی دەکات و کەین بەربژێرێکی بەهێزە.
ئالڤارێز و هالاند
لەلایەکی دیکەوە، بارسێلۆنا بیر لە خولیان ئالڤارێز، هێرشبەری ئاتلێتیکۆ مەدرید و ئێرلینگ هالاند، هێرشبەری مانچێستەر سیتیش دەکاتەوە، بەڵام بەگوێرەی رۆژنامەکە، بارسا ئالڤارێزی زیاتر بەدڵە.
بەهای گواستنەوەی کەین بەراورد بە هالاند و ئالڤارێز کەمە، بەڵام مووچەی ساڵانەی کەین بریتییە لە 25 ملیۆن یۆرۆ بەر لە پێدانی باج، ئەمەش ئەرکی گواستنەوەی ئاسان ناکات.
بارسێلۆنا تەنیا لە بازاڕدا نییە، بەڵکو پاریس سانجێرمان و چێڵسی و یانەکانی سعوودیە لە نزیکەوە چاودێری دۆخی ئەم ئەستێرانە دەکەن.
