فەرمی؛ یانەیەکی گەورە راهێنەرەکەی دوورخستەوە
یاریگا –
بەشێوەیەکی فەرمی ئیگۆر تودۆر لە پۆستی راهێنەرایەتی یوڤێنتوس دوورخرایەوە.
یوڤێنتوس بیاننامەیەکی فەرمی بڵاوکردووەتەوە و رایگەیاندووە ئەمڕۆ دووشەممە 27ـی ئۆکتۆبەری 2025 ئیگۆر تودۆر، راهێنەری کڕواتی لە پۆستی راهێنەرایەتی یانەکە دوورخراوەتەوە.
هاوکات لەگەڵ تودۆر تەواوی ستافەکەی کە پێکهاتوون لە ئیڤان خاڤۆرسیچ، تۆمیسلاڤ رۆجیچ و ریکاردۆ راگناچی دوورخراونەتەوە.
Igor Tudor is no longer Juventus' head coach.
Details: https://t.co/xCUJ0SYxbi pic.twitter.com/ongjip7tkt
— JuventusFC 🇬🇧🇺🇸 (@juventusfcen) October 27, 2025
یوڤێ ئاماژەی بەوەش کردووە بەشێوەیەکی کاتی ماسیمۆ برامبیلا وەک راهێنەری نوێی یوڤێ دەستنیشانکراوە و لە یارییەکەی چوارشەممە بەرامبەر ئودینێزی سەرپەرشتی تیپەکە دەکات.
ئیگۆر تودۆر لە مانگی سێی ئەمساڵ پۆستی راهێنەرایەتی یوڤێی وەرگرت، لە 24 یاریی سەرپەرشتی خانمە پیرەکەی کردووە 10 یاریی بردووەتەوە، 8 یاریی یەکسانبووە و 6 یاریی دۆڕاندووە.
هاوکات لوچیانۆ سپالێتی راهێنەری پێشووی هەڵبژاردەی ئیتاڵیا و رافاێل پاڵادینۆ، راهێنەری پێشووی فیۆرێنتینا بەربژێرن بۆ ئەوەی شوێنی ئیگۆر بگرنەوە.