ڤیاڕیال رێزلێنانێکی مێژوویی بۆ رۆدری ئامادەکردووە
رۆدری ناوی دەچێتە تێنووسی ئەفسانەکانی یانەکە
یاریگا –
ڤیاڕیال ئامادەکاری بۆ رێوڕەسمێکی کورت و بەبەها بۆ رۆدری کردووە.
ئەمشەو لە گەڕی سێیەمی چامپیۆنزلیگ، ڤیاڕیال لە یاریگای لا سێرامیکا میوانداری مانچێستەر سیتی دەکات. یەکەمجارە رۆدری بە درێسی مان سیتی بگەڕێتەوە ڤیاڕیال، کە لە ساڵانی نێوان 2015 تاوەکو 2018 درێسی یانەکەی پۆشی.
رۆدری لە ساڵی 2018 پەیوەندی بە ئاتلێتیکۆ مەدرید کرد و ساڵێک دواتر بووە جەنگاوەرێکی نوێی پێپ گواردیۆلا لە مانچێستەر سیتی.
رۆدری لەگەڵ مان سیتی هەموو نازناوەکانی بەدەستهێنا و لەسەر ئاستی کەسیش، خەڵاتی باڵۆن دۆری بردەوە.
Rodrigo Hernández, un Balón de Oro forjado en la @CanteraGrogueta 🏅
Disfruta en V Play del emotivo reportaje que ha preparado el club con motivo de la vuelta de Rodri Hernández, Balón de Oro 2024, a Vila-real
— Villarreal CF (@VillarrealCF) October 20, 2025
بەر لە یارییەکەی ئەمشەو، ڤیاڕیال بەشێوازێکی تایبەت، رۆدری خەڵات دەکات و لە پلاتفۆڕمەکانی خۆی هەواڵەکەی بڵاوکردووەتەوە.
Hola, soy Rodri, tengo 18 años y estudio ADE en la @UJIuniversitat 🥸
— Villarreal CF (@VillarrealCF) October 20, 2025
هەرچەندە رۆدری بەهۆی پێکان ناوی لە لیستی یاریزاناندا نییە، بەڵام ئەستێرە ئیسپانییەکە ئامادەی ئاهەنگە بچووکەکە دەبێت و بڕیارە فێرناندۆ رۆیگ، سەرۆکی ڤیاڕیال ”نیشانەی شانازی” وەکو رێزێک لە دەستکەوتەکان بە رۆدری دەدات.
ڤیاڕیال بڕیاریداوە، ناوی رۆدری لە رێڕەوی ئەفسانەکانی یانەکە لە یاریگای لا سێرامیکا دابنێت.
