یاریگا –
بەشێوەیەکی فەرمی ماوەی دوورکەوتنەوەی هەردوو ئەستێرەی بارسێلۆنا، فێران تۆرێس و دانی ئۆلمۆ ئاشکرا دەکرێت.
بارسێلۆنا بەشێوەیەکی فەرمی رایگەیاند، ئەمڕۆ پشکنینی پزیشکی بۆ فێران تۆرێس کراوە، دەرکەوتووە ماسوولکەی قاچی تووشی هیچ برینێک یاخود پچڕان نەبووە، تەنیا گرژبووە و پێکانەکەی زۆر سەخت نییە.
پێشبینی دەکرێت فێران تۆرێس تەنیا لە یارییەکەی بەرامبەر جیرۆنا دووربکەوێتەوە و بۆ یاریی بەرامبەر ئۆڵۆمپیاکۆس دەگەڕێتەوە.
𝐂𝐎𝐌𝐔𝐍𝐈𝐂𝐀𝐓 𝐌𝐄̀𝐃𝐈𝐂
Les proves mèdiques realitzades han confirmat que el jugador Ferran Torres presenta una sobrecàrrega a la musculatura isquiotibial de la cama esquerra, sense lesió associada.
El jugador no és baixa i seguirà tractament específic. pic.twitter.com/xaTBaPDUbm
— FC Barcelona (@FCBarcelona_cat) October 13, 2025
هاوکات هەر ئەمڕۆ پشکنینی پزیشکی ورد بۆ دانی ئۆلمۆ کرا، دەرکەوت ماسوولکەی قاچی چەپی تووشی پێکان بووە و دوو بۆ سێ هەفتە دووردەکەوێتەوە.
ئۆلمۆ ناتوانێت بەرامبەر جیرۆنا و ئۆڵۆمپیاکۆس یاریی بکات، رادیۆی کادێنا کۆپی پێشبینی دەکات بۆ یارییەکەی ریال مەدرید بگەڕێتەوە، بەڵام رۆژنامەنووسی ئیسپانی خاڤی میگێل، پێشبینی کردووە ئۆلمۆ نەتوانێت بەرامبەر ریال مەدریدیش یاریی بکات.
👉 Olmo aún no está descartado para el Clásico del 26 de octubre en el Bernabeu. Baja segura contra el Girona y Olympiakos.
👉Ferran se somete ahora a pruebas médicas. Fue desconvocado por precaución con la selección. No está descartado contra el Girona.
— Helena Condis Edo (@HelenaCondis) October 13, 2025
بۆیە تاوەکو ئێستا چارەنووسی ئۆلمۆ بۆ یاریی کلاسیکۆ روون نییە، توانای خێرا چاکبوونەوەی لە پێکانەکەی ئەو پرسە یەکلاییدەکاتەوە.
بارسێلۆنا لە 19ـی ئۆکتۆبەر لە یارییەکانی گەڕی نۆیەمی لالیگا میوانداری جیرۆنا دەکات، لە 21ـی ئۆکتۆبەر لە چامپیۆنزلیگ رووبەڕووی ئۆڵۆمپیاکۆس دەبێتەوە، لە 26ـی هەمان مانگ لە کلاسیکۆ دەبێتە میوانی ریال مەدرید.