شیکاری؛ ئێمباپێ گڕ لە رکابەرییەکانی سەر پێڵاوی زێڕین بەردەدات و کەین گەورەترین مەترسییە

یاریگا –

کیلیان ئێمباپێ، ئەستێرەی ریال مەدرید گڕی لە کێبڕکێی بەدەستهێنانی پێڵاوی زێڕینی ئەوروپا بەردا.

هەرچەندە هێشتا دەستپێکی وەرزی 2025-26، بەڵام ئێمباپێ و چەند ئەستێرەیەکی دیکە رکابەرییەکی توند لەسەر پێڵاوی زێڕین دەستپێکردووە.

ڤینیسیۆس جونیۆر، پێنجەم گۆڵی خۆی لەم وەرزەی لالیگا کرد، ئەمەش لەو یارییەی 3-1 لە ڤیاڕیالییان بردەوە، هاوتەریب لەگەڵ ئێمباپێ کە لە هەمان یاریی 14مین گۆڵی خۆی لەسەرجەم پاڵەوانیەتییەکانی ئەم وەرزەدا کرد.

ئێمباپێ وەرزی رابردوو خەڵاتەکەی بەدەستهێنا، دوای سەرکەوتنی بەسەر هەریەکە لە محەمەد سەڵاح، یاریزانی لیڤەرپوول و ڤیکتۆر یۆکێرێش، ئەستێرەی ئارسیناڵ.

کیلیان بە 9 گۆڵ لە کۆی هەشت یاریی، گۆڵکاری لالیگایە و جارێکی دیکە خۆی وەکو رکابەرێکی بەهێز بۆ بردنەوەی خەڵاتی پێڵاوی زێڕین سەلماند. ئەستێرە فەڕەنسییەکە تەنیا لە یەک یاری ئەم وەرزەدا گۆڵی نەکردووە.

⚽️🔥 مبابي يمنح ريال مدريد الهدف الثالث #الدوري_الإسباني#LaLiga pic.twitter.com/U45GAaZS4X

— beIN SPORTS (@beINSPORTS) October 4, 2025

هاری کەین رکابەرێکی بەهێزە

ئێمباپێ بووەتە ماشێنی گۆڵ بۆ کەتیبەکەی چابی ئاڵۆنسۆ، تەنانەت ئەمە وایکردووە هاندەرانی ریال مەدرید پێیان وابێت، ئەم وەرزە دەبێتە وەرزی شکاندنی ریکۆردەکان.

سەرەڕای ئەمەش، هێشتا چوار گۆڵ لە دواوەی کەین، ئەستێرەی بایرن میونشنە.

گواستنەوەی ئێمباپێ گۆڕانکاری گەورەی لە هاوکێشەی هێرشبەری ریال مەدرید دروستکردووە، چونکە پێشتر ڤینیسیۆس رابەری تیمەکە بوو، بەڵام ئێستا ئەرکی بەرگریکردنی زیاتری هەیە، ئەمەش کاریگەری لەسەر ژمارەی گۆڵەکانی دروستکردووە.

باشترین سێ گۆڵکاری ئەم وەرزەی ئەوروپا

• هاری کەین (بایرن میونشن) – 18 گۆڵ لە 10 یاریی
• کیلیان ئێمباپێ (ریال مەدرید) – 14 گۆڵ لە 10 یاریی
• ئێرلینگ هالاند (مان سیتی) – 11 گۆڵ لە 8 یاریی