کلاسکۆی ئیسپانیا لەسەر گرێبەستە شکستخواردووەکەی لیڤەرپوول توند دەبێت
یاریگا –
دوای ماوەیەکی زۆر لە هەوڵی چڕی لیڤەرپوول بۆ گواستنەوەی مارک گێی، سەرەنجام لە کۆتا کاتژمێرەکانی مێرکاتۆی هاوینەکە گرێبەستەکە شکستیهێنا کە هۆکارەکەی پەیوەستبوو بە کریستاڵ پاڵاسەوە بەوەی نەیانتوانی شوێنگرەوەیەک بۆ بەرگریکارەکەیان بگوازنەوە. بۆیە یاریزانە ئینگلیزیەکە بەناچاری لە یانەکە مایەوە.
بەڵام بەگوێرەی نوێترین زانیاریی، وا دەردەکەوێت هێشتا ئەو یاریزانە جێی بایەخی گەورەکانە. ئێستا جگە لە لیڤەرپوول، چاوی بارسێلۆنا و ریال مەدریدیشی چووەتەسەر.
بەگوێرەی زانیارییەکانی سەن سپۆرتی بەریتانی، ئەو دوو زلهێزەی ئیسپانیا دەچنە کێبڕکێیەکی توندەوە بۆ قۆستنەوەی هەلەکە. دەیانەوێت لە گواستنەوەکانی زستانەدا رەزامەندیی پێشوەختەی یاریزانە 25 ساڵییەکە بەدەستبهێنن. ئەوەش بۆ رێگەخۆشکردن بۆ هاوینی 2026 کە مارک بەخۆڕایی بگوازنەوە ریزەکانیان کاتێک گرێبەستەکەی لەگەڵ پاڵاس بەسەردەچێت.
🚨 Both Barcelona and Real Madrid are considering taking advantage of Liverpool’s collapsed deal to sign Marc Guéhi by striking a pre-agreement in January with the defender over a free transfer in the summer of 2026.
(Source: @SunSport) pic.twitter.com/px48PtP1G6
— Transfer News Live (@DeadlineDayLive) September 3, 2025
جیا لە ریال مەدردید کە لە 30 ساڵی رابردوودا چەند ئەستێرەیەکی دیاری ئینگلیزی یاریی بۆ کردوون وەک ستیڤ مەکمەنمەن، مایکڵ ئۆون، دەیڤد بێکهام و ئێستاش جوود بێڵینگهام، یانە کاتالوونییەکە کەمترین یاریزانی ئینگلیزی درێسەکەی پۆشیوون. لەدوای گاری لینکەر، بۆ یەکەمین جار پاش 29 ساڵ ئینگلیزیەک لە ریزەکانی بلاوگرانادا بینرا ئەویش مارکوس ماکگوانی بوو کە لەسەر ئاستی تیمی یەکەم دەرنەکەوت.
