یاریگا –
گابڕیێل خێسوس، هێرشبەری بەڕازیلی دوای دابڕانێکی زۆر گەڕایەوە مەشقەکان.
خێسوس ڤیدیۆیەکی بڵاوکردووەتەوە، نیشانیدەدات لەسەر چیمەنی یاریگا دەستی بە مەشقکردووەتەوە و خۆی بۆ گەڕانەوەی بۆ یاریکردن ئامادە دەکات.
It’s been seven months of pain, uncertainty, and anxiety. Today, I finally feel light — like a child playing football again.
GOD IS GREAT. 🙏🏽💪🏾 pic.twitter.com/nr74tGdtV9
— Gabriel Jesus (@gabrieljesus9) August 24, 2025
ئەستێرە بەڕازیلییەکە لە کانوونی دووەمی ئەمساڵ لە یارییەکانی قۆناخی سێیەمی جامی یەکێتی ئینگڵتەڕا بەرامبەر مانچێستەر یونایتد بەستەری ئەژنۆی پچڕا و زیاتر لە حەوت مانگە لە یاریکردن دابڕاوە.
گەڕانەوەی خێسوس هەواڵێکی خۆشە بۆ گەنەرز، چونکە ئەژنۆی کای هاڤێرت، هێرشبەری ئەڵمانی تووشی پێکانێکی سەخت بووە و ماوەیەکی زۆر دووردەکەوێتەوە.
هەروەها بوکایۆ ساکا و مارتن ئۆدیگارد لە یاریی بەرامبەر لیدز یونایتد تووشی پێکان بوو، بەڵام بەگوێرەی زانیارییەکانی سکای سپۆرتس پێکانەکانیان بەوشێوەیە سەخت نییە کە سەرەتا باس دەکرا.
