دەنگۆكانی مێركاتۆ؛ گرێلیش بڕیار لەسەر داهاتووی دەدات و چێڵسی دەیەوێت گۆڕینەوەیەک بكات

یاریگا –

گرێلیش بڕیار لەسەر داهاتووی دەدات، چێڵسی دەیەوێت گۆڕینەوەیەک لەگەڵ لایپزیگ بكات و نیكۆلاس جاكسن لە پرێمەرلیگ دەمێنێتەوە. 

جاک گرێلیش رەزامەندی دەربڕیوە بە خواستن پەیوەندی بە ئێڤەرتنەوە بكات – تیم تۆک.

چێڵسی لە گفتوگۆكانی لەگەڵ لایپزیگ بەردەوامە و دەیەوێت كریستۆفەر ئێنكونكو بە چاڤی سیمۆنس بگۆڕێتەوە – گاردیان.

نیكۆلاس جاكس لە ئەگەری جێهێشتنی چێڵسی دەیەوێت پەیوەندی بە نیوكاسڵەوە بكات – تێلیگراف.

نیوكاسڵ چاوی لە گواستنەوەی یۆوان ویسا هێرشبەری برێنتفۆردە و لیڤەرپوولیش لە ئەگەری شكستهێنان لە گواستنەوەی ئالێكساندەر ئیزاک هەوڵی گواستنەوەی ویسا دەدات – كۆت ئۆفساید.

راندال كۆلۆ موانێ هێرشبەری فەڕەنسی یانەی پاریس سانجێرمان پێی باشترە پەیوەندی بە یوڤێنتوسەوە بكات وەک لە نیوكاسڵ – تیم تۆک.

ئەیسی میلان لە گفتۆگۆدایە بۆ گواستنەوەی راسموس هۆیلوند و دەیەوێت بە خواستن و بژاردەی كڕینەوەی گرێبەستی لەگەڵ واژۆ بكات، بەڵام مانچێستەر یونایتد دەیەوێت بە هەمیشەیی دەستبەرداری ببێت – سكای سپۆرتس.

دوای گرێبەستكردن لەگەڵ بێنیامین شێشكۆ مانچێستەر یونایتد دەیەوێت دەستبەرداری جەیدن سانچۆ، ئالیخاندرۆ گارناچۆ و ئانتۆنی ببێت – ستاندارد.

كۆستاس سیمیكاس دوای ئەوەی لە یاریی بەرامبەر كریستاڵ پاڵاس دوورخرایەوە لە جێهێشتنی لیڤەرپوول نزیكدەبێتەوە و نۆتینگهام گرنگی بە گواستنەوەی دەدات – لیڤەرپوول ئیكۆ.

نەسڕ لەگەڵ كینگسلی كۆمان هێرشبەری فەڕەنسی یانەی بایرن میونشن گەیشتە رێككەوتن – بێڵد.

مانچێستەر یونایتد بیر لە گواستنەوەی دۆمینیک كاڵڤێرت لوین دەكاتەوە دوای ئەوەی ریزەكانی ئێڤەرتنی جێهێشت – كۆت ئۆفساید.