یوسف ئەمین گرێبەستەکەی لەگەڵ یانە نوێیەکەی واژۆکرد
یاریگا –
یوسف ئەمین ئەستێرەی کورد دوای تێپەڕاندنی پشکنینە پزیشکییەکان گرێبەستەکەی لەگەڵ ئەیک لارناکای قوبرسی واژۆکرد.
یانەی ئەیک لارناکای قوبرسی رایگەیاندووە، یوسف ئەمین پشکنینە پزیشکییەکانی تێپەڕاند و بۆ ماوەی دوو ساڵ گرێبەستەکەی واژۆکرد و وەکو یاریزانی نوێی یانەکە بە میدیاکان ناسێنرا، کە ئەم وەرزە ئەو یانە قوبرسییە بەشداریی پاڵاوتنەکانی یۆرۆپالیگ دەکات.
Η AEK LARNACA FC LTD είναι στην ευχάριστη θέση να ανακοινώσει την απόκτηση του ακραίου επιθετικού Youssef Amyn για τα επόμενα 2 χρόνια.
H oικογένεια της ΑΕΚ τον καλωσορίζει και του εύχεται κάθε επιτυχία. pic.twitter.com/hsB8luUjlm
— AEK Larnaca (@AEKLARNACA) July 29, 2025
گرێبەستەکەی یوسف ئەمین لەگەڵ ئەیک لارناکای قوبرسی بۆ ماوەی دوو ساڵ تاوەکو ساڵی 2027 دەبێت و درێسی ژمارە 11 دەپۆشێت.
یاریزانە 21 ساڵانە هاوینی 2024 لە ئێنتراخت براونشڤیگی ئەڵمانییەوە بۆ ماوەی دوو ساڵ پەیوەندی بە ریزەکانی وەحدەی سعوودییەوە کرد، بەڵام دوای دابەزینی یانەکە بۆ ریزی یانە پلە یەکەکان، ئەو یاریزانە گرێبەستەکەی هەڵوەشاندەوە، کە لە 31 یاری 4 گۆڵ و 2 ئەسیستی بە درێسی ئەو یانە سعوودیە کرد.
لە هاوینی ساڵی 2023 یوسف ئەمین لە ریزەكانی تیپی ژێر 21 ساڵانی فاینۆرد رۆتێردامی هۆڵەندییەوە پەیوەندی بە ریزەكانی ئێنتراخت بروانشفیگ كرد، لە یانە نوێیەکەی لە قوبرسی هاوشێوەی وەحدە درێسی ژمارە 11 دەپۆشێت.
