تەواو؛ گۆڵکارێکی گەورە پێنج خولە بەهێزەکە جێدەهێڵێت
یاریگا –
گالاتاسەڕای و ناپۆلی لەسەر گرێبەستەکەی ڤیکتۆر ئۆسیمین گەیشتە رێککەوتنی کۆتایی.
رۆژنامەنووسی باوەڕپێکراو نیکۆلۆ شیرا بڵاویکردووەتەوە، یانەی گالاتاسەڕای تورکی بۆ گواستنەوەی ڤیکتۆر ئۆسیمین، هێرشبەری ناجێری لەگەڵ ناپۆلی گەیشتووەتە رێککەوتنی کۆتایی و ئۆسیمین دەگەڕێتەوە تورکیا.
بەگوێرەی زانیارییەکانی نیکۆلۆ، گالاتاسەڕای لە بەرامبەر گواستنەوەی یاریزانەکە بڕی 75 ملیۆن یۆرۆ بە ناپۆلی دەدات، هەرکاتێک یاریزانەکەش بفرۆشێت %10ـی پارەکە بۆ ناپۆلی دەبێت،
هەروەها گرێبەستی گۆڵکارە نایجێرییەکە لەگەڵ گالاتاسەڕای تاوەکو هاوینی 2030 دەبێت و مووچەی ساڵانەشی 18 ملیۆن یۆرۆ دەبێت.
🔜 Done Deal and confirmed! Victor #Osimhen to #Galatasaray from #Napoli for €75M. Contract until 2029 (€18M/year). Napoli will also have 10% on the future sale. #transfers https://t.co/8JFsHY1igV
— Nicolò Schira (@NicoSchira) July 20, 2025
هەمان سەرچاوە ئاماژەی بەوەش کردووە، ئۆسیمین ئۆفەری سێ یانەی دیکەی رەتکردووەتەوە، یانەیەکی سعوودی و دوو یانەی ئەوروپی، چونکە تەنیا ویستوویەتی بگەڕێتەوە گالاتاسەڕای و گرنگی بە هیچ یانەیەکی دیکە نەداوە.
بەگوێرەی مەرجێکی گرێبەستەکەش، یانە تورکییەکە بۆی نییە تاوەکو دوو وەرزی دیکە یاریزانەکە بە هیچ یانەیەکی ئیتاڵی بفرۆشێت.
ئۆسیمین وەرزی رابردوو بەشێوەی خواستن پەیوەندی بە گالاتاسەڕای کرد، بەدرێژایی وەرزەکە 41 یاریی بۆ یانەکە کرد، 37 گۆڵی کرد و 8 گۆڵی دروستکرد.
Behind the Scenes – Victor #Osimhen just wanted to return to #Galatasaray and he has turned down three important bids (one from Saudi and two from top european clubs) to join Gala. Galatasaray won’t be able to sell Osimhen to an italian club for the next two seasons. #transfers https://t.co/o63N16svO9
— Nicolò Schira (@NicoSchira) July 20, 2025
