بۆمبی مێركاتۆ؛ دوو ئەستێرە ریال مەدرید جێدەهێڵن
یاریگا –
رۆژنامەنووسێكی ئیسپانی گەورەترین سورپرایزی مێركاتۆی هاوینەی ئاشكرا كرد.
بە گوێرەی زانیارییەكانی فرانسوا گالاردۆ رۆژنامەنووسی ئیسپانی لە كەناڵی ئێل چێرینگویتۆ، ڤینیسیۆس جونیۆر و رۆدریگۆ لە گواستنەوەكانی هاوینەدا و لە مانگی داهاتوودا ریزەكانی یانەی ریال مەدریدی ئیسپانی جێدەهێڵن.
🚨💣 EXCLUSIVA MUNDIAL, INFORMACIÓN ÚNICA 🚨💣
Vinícius Júnior y Rodrygo Goes se marchan del Real Madrid en el mes de agosto, y en el club blanco ya lo empiezan a asimilar el pack.
Una vez más, me adelanto a los grandes medios, ellos siempre por detrás.
¡Fin boom, al lío! pic.twitter.com/hrOh8A7Ser
— François Gallardo (@F_GallardoTV) July 14, 2025
ریال مەدرید دانوستانەكانی بۆ فرۆشتنی ئەو دوو ئەستێرە بەڕازیلییە دەستپێكردووە.
ریال مەدرید لە قۆناخی پێش كۆتایی جامی جیهانی یانەكان بە ئەنجامێكی گەورە و بە چوار گۆڵی بێ وەڵام بە پاریس سانجێرمان دۆڕا و ماڵئاوایی لە پاڵەوانیەتیەكە كرد.
لە پاڵەوانییەتییەكەدا ڤینیسیۆس جونیۆر ئاستێكی جێگیری پێشكەش نەكرد و رۆدریگۆش تەنیا چەند خولەكێكی كەم بەشداریكرد.
ڤینیسیۆس جونیۆر لە هاوینی 2018لە ریزەكانی فلامینگۆوە بە بەهای 45 ملیۆن یۆرۆ پەیوەندی بە ریال مەدریدەوە كرد و لەگەڵ ئەو یانەیە بەشداری 322 یاریی كردووە و توانیویەتی 106 گۆڵ بكات و 83 گۆڵیش درووست بكات.
رۆدریگۆش لە هاوینی 2019 لە سانتۆسەوە بە بەهای 45 ملیۆن یۆرۆ پەیوەندی بە ریال مەدریدەوە كرد و لە 270 یارییدا 68 گۆڵیكردووە و 51 گۆڵیشی درووستكردووە.
ریال مەدرید لە گواستنەوەكانی هاوینەدا گرێبەستی لەگەڵ چابی ئاڵۆنسۆی راهێنەر، دین هاوسن، ترێنت ئالێكساندەر ئارنۆڵد، ئالڤارۆ كارێراس و فرانكۆ ماستانتونۆ واژۆكرد.
