ئێستا؛ هانزی فلیک رووناکی سەوز بۆ راشفۆرد هەڵدەکات
راشفۆرد ئامانجی ژمارە یەکە..
یاریگا –
بارسێلۆنا هەوڵەکانی بۆ گواستنەوەی مارکوس راشفۆرد، هێرشبەری مانچێستەر یونایتد دەستپێدەکاتەوە.
رۆژنامەنووسی سکای ئەڵمانیا، فلۆریان پلێتنبێرگ بڵاویکردووەتەوە، بارسێلۆنا دووبارە هەوڵەکانی بۆ گواستنەوەی مارکوس راشفۆرد دەستپێدەکاتەوە و ئەمجارە ئامادەن هەموو شتێک لەپێناو گواستنەوەی بکەن و بە هەموو هێزێک هەوڵی یەکلاییکردنەوەی گرێبەستەکە دەدەن.
🚨🔵🔴 As revealed on 6 July, the priority for FC Barcelona is Marcus #Rashford. Barca want to try again for Rashford and are prepared to go all-in.
A few weeks ago, Luis #Díaz was priority number one, as reported, but Liverpool rejected the approach. Rashford is now the clear… pic.twitter.com/LL3Kksjqhw
— Florian Plettenberg (@Plettigoal) July 11, 2025
دوای بێهێوابوون لە گواستنەوەی نیکۆ ویڵیامس، لویس دیاز بووە ئامانجی یەکەمی بارسێلۆنا، بەڵام لیڤەرپوول ئامادە نییە دەستبەرداری هێرشبەرە کۆڵۆمبییەکە ببێت.
بەگوێرەی هەمان سەرچاوە، ئێستا راشفۆرد ئامانجی ژمارە یەکی بارسێلۆنایە، چەند رۆژێک لەمەوبەر هانزی فلیک، راهێنەری یانەکە رووناکی سەوزی بۆ گرێبەستەکە هەڵکردووە و رەزامەندی بۆ گواستنەوەی راشفۆرد دەربڕیووە.
یاریزانە 27 ساڵانییەکە شوێنی لە پێکهاتەی رۆبن مامۆریم نەماوە و بڕیاریداوە لەم هاوینە مانچێستەر یونایتد جێبهێڵێت.
