یاریگا –
یانەی سێڤییای ئیسپانی راهێنەری نوێی دەستنیشانکرد و بەوەش بەردەوامیی دا بە زنجیرەی گۆڕینی راهێنەر بە راهێنەرێکی دی.
نزیکی مانگی نیسان/ئاپرێلی ئەم ساڵ بوو کە یانە ئەندەلووسیەکەی خواکین کاپارۆسی لەجێی گارسیا پێمینتا دەستنیشانکرد بۆ ئەو چەند یارییەی لە وەرزی رابردوو.
بەگوێرەی راگەیاندنێکی فەرمی لە پێگەکانی خۆیان، سێڤییا ماتیاس ئالمێدای وەک راهێنەری نوێ دەستنیشانکرد بۆ وەرزی داهاتوو.
📢 We are pleased to announce Matías Almeyda as our new first-team head coach. 🤝
Welcome, Matías! pic.twitter.com/uctUCZvygo
— Sevilla FC (@SevillaFC_ENG) June 16, 2025
کاروانی راهێنەرایەتی ئالمێدای ئەرجەنتینی دەگەڕێتەوە بۆ ساڵی 2011 کاتێک ئەرکەکەی لە یانەی ریڤەر پلەیتی وڵاتەکەی وەرگرت. یەکەمین و کۆتا ئەزموونی ئەورووپیشی لەگەڵ یانەی ئایک ئاسینای یۆنانی بوو لە 2022-2025.
سێڤیا چەند ساڵێکە پیشەی بووەتە گۆڕینی راهێنەر و، تەنها لەوەتەی وەرزی 2022-2023 تا ئێستا 8 راهێنەری جیاوازی تاقیکردووەتەوە.
