تەواو؛ ئێدین دزیکۆی 39 ساڵان دەگەڕێتەوە سێریا ئەی
یاریگا –
ئیدین دزیکۆ هەنگاوێک لە چوونی بۆ ریزەکانی فیۆرێنتینای ئیتاڵی دوورە و جارێکی دیکە دەگەڕێتەوە سێریا ئەی.
ماتیۆ مۆریتۆ رۆژنامەنووسی ئیتاڵی ئاشکرایکردووە، ئێدین دزیکۆ هێرشبەری بۆسنی هەنگاوێک لە گەڕانەوەی بۆ سێریا ئەی دوورە، گەرچی بۆلۆنیاش ئۆفەری پێشکەشی دزیکۆ کردبوو، بەڵام ئەو هێرشبەرە بۆسنییە بڕیاریداوە بچێتە ریزەکانی فیۆرێنتینا.
La Fiorentina è a un passo da Edin Džeko.
Da risolvere piccoli dettagli tra le parti ma la trattativa è ormai in chiusura: sul piatto un contratto annuale con opzione a 1,5/1,8m€ netti a stagione.
Sul bosniaco si era mosso concretamente anche il Bologna.
Situazione… pic.twitter.com/TdcmNqYYII
— Matteo Moretto (@MatteMoretto) June 16, 2025
رۆژنامەنووسە ئیتاڵییەکە ئاشکراشیکردووە، هێرشبەرە 39 ساڵانەکە ئەم هاوینە گرێبەستەکەی لەگەڵ فێنارباهچێی تورکی کۆتایی هاتووە و بۆ ماوەی ساڵێک بە مووچەی ساڵانەی 1.8 ملیۆن یۆرۆ پەیوەندی بە ریزەکانی ڤیۆلاوە دەکات، کە ئێستا لە بۆرسەی یاریزانان بەهای ئەو هێرشبەرە بۆسنییە 2 ملیۆن یۆرۆیە.
دزیکۆ پێشتر لە ئیتاڵیا درێسی رۆما و ئینتەر میلانی پۆشێوە، درێسی یانەکانی فۆلفسبۆرگی ئەڵمانی و مانچێستەر سیتی ئینگلیزیشی پۆشیوە، کە لەگەڵ ئینتەر دوو جار جامی ئیتاڵیا و دوو جار جامی سوپەری ئیتاڵیای بەدەستهێناوە.
