فابریزۆ رۆمانۆ هەواڵێکی ئەمڕۆ تایبەت بە گواستنەوەکان بە ناڕاست دەخاتەوە
یاریگا –
فابریزۆ رۆمانۆ ئەو زانیارییانەی رەتکردەوە کە هیلال گواستنەوەی ئەستێرەیەکی سێریائەی گەیشتبێتنە رێککەوتنی کۆتایی.
ئەمڕۆ هەردوو رۆژنامەنووس سانتی ئاونا و جیانلوکا دی مارزیۆ بە وردەکارییەوە بڵاویانکردەوە کە خۆسێ ئانجێلینۆی یاریزانی رۆمان لەگەڵ هیلال رێککەوتنی یەکلایی کردووەتەوە. تەنانەت باس لەوەش کرا گوایە بەرگریکارەکە دەگاتە پاریس بۆ ئەنجامدانی پشکنینە پزیشکیەکانی تا هەرچی زووە پەیوەندی بە یانە سعوودیەکەوە بکات. ئەو بابەتەش لەلایەن تۆڕی هەواڵی یاریگاوە دەمودەست بایەخی پێدرا و پشتبەست بە زانیارییەکانی ئەو دوو رۆژنامەنووسە لە رووماڵی هەواڵەکاندا بڵاوکرایەوە.
بەڵام فابریزۆ رۆمانۆ لە نوێترین زانیارییدا وردەکارییەکانی رەتکردەوە و نووسیویەتی سەرەرای بڵاوبوونەوەی زانیارییەکان گوایە خۆسێی ئیسپانی لە پاریسە بۆ ئەنجامدانی پشکنینی پزیشکی و پەیوەندیکردنی بە هیلالەوە، بەڵام ناوبراو هێشتا لە وڵاتەکەی خۆیەتی.
رۆمانۆ جەختی لە زانیارییەکانی کردووەتەوە و نووسیویەتی ئەو یاریزانە بەهیچ شێوەیەک گەشتی فەڕەنسای نەکردووە و تەنانەت پلانیشی بۆ دانەنراوە گەشت بکات. لەلایەن رۆمای یانەیشیەوە ئەو مۆڵەتەی پێنەدراوە.
🚨❌ More on Angeliño. He’s in Spain right now and not in Paris despite reports of medical tests with Al Hilal today.
The left back never travelled to France and it was not even planned with no authorization from AS Roma. pic.twitter.com/kzM3Y3pU9Z
— Fabrizio Romano (@FabrizioRomano) June 9, 2025
