فەرمی: یوڤێنتوس گرێبەستی یاریزانێکی کردە هەمیشەیی
یاریگا –
یوڤێنتوس مافی هەڵوەشاندنەوەی گرێبەستی پیێرێ کالولوی پێشکەشی میلان کرد و بەمەش گرێبەستی ئەو یاریزانەی کردە هەمیشەیی.
یوڤێنتوس بە فەرمی گرێبەستی لەگەڵ پیێرێ کالولو واژۆ کرد. لە رۆژی لەدایکبوونی 25 ساڵەی بەرگریکارە فەرەنسیەکەدا، بیانکۆنێری رایگەیاند کە بژاردەی کڕینی رێککەوتنیان لەگەڵ رۆسۆنێری بەکارهێناوە. بۆیە کالولو لە تۆرین دەمێنێتەوە و تا ساڵی 2029 گرێبەستی لەگەڵ خانمە پیرەکە واژۆ کرد.
A perfect birthday – Pierre Kalulu is staying with us! 🥳⚪️⚫️
Happy birthday, Pierre! 🎂
— JuventusFC 🇬🇧🇺🇸 (@juventusfcen) June 5, 2025
یوڤێنتوس دووپاتی کردەوە کە نرخی کڕینی کالولو لە میلان 14.3 ملیۆن یۆرۆ بووە، کە بڕیارە لە ماوەی سێ ساڵدا پێیان دەدرێت. هەروەها 300 هەزار یۆرۆ وەک تێچووی یارمەتیدەر و پاداشتی تا 3 ملیۆن یۆرۆ تەواو دەکرێت ئەگەر ئامانجە وەرزشییە تایبەتەکان بەدەست بهێنرێن.
کالولو وەرزی رابردوو بە خواستن لە ئەیسی میلانەوە چووە یوڤینتوس و وەرزێک بە خواستن لەم یانەیە یاریی کرد و ئەمڕۆش لە رۆژی لە دایک بوونی 25 ساڵەی گرێبەستەکەی لەلایەن یوڤی کرایە هەمیشەیی.
