بڕونۆ فێرناندێس داهاتووی خۆی لە نێوان هیلال و مان یونایتد یەکلاییکردەوە
ئەستێرە پۆرتوگالییەکە هەموو شتێکی یەکلاییکردەوە
یاریگا –
بڕونۆ فێرناندێس، ئەستێرەی مانچێستەر یونایتد بە فەرمی ئۆفەری هیلالی رەتکردەوە و بڕیاری مانەوەی لە ئۆڵدترافۆرد داوە.
دوێنێ دووشەممە، فلۆریان پلێتێنبێرگ، رۆژنامەنووسی سکای دۆچلاند دووپاتیکردبووەوە، هیچ بەرەوپێشچوونێک لە گفتوگۆکانی نێوان فێرناندێس و هیلالدا رووینەداوە و بە ئەگەرێکی زۆرەوە لە ئۆڵدترافۆرد دەمێنێتەوە.
🚨🔴 As reported in our Transfer Update show yesterday, Bruno #Fernandes had already made it clear to Manchester United in recent days that he was leaning towards NOT moving to Al-Hilal, as he wants to continue playing at the highest level in Europe.
Understand there were also… pic.twitter.com/tmussKkVwJ
— Florian Plettenberg (@Plettigoal) June 3, 2025
کەمێک پێش ئێستاش، فابریزۆ رۆمانۆ، رۆژنامەنووسی دیاری مێرکاتۆی یاریزانان، مانەوەی یاریزانەکەی لە مانچێستەر یونایتد پشتڕاستکردەوە.
🚨💣 EXCLUSIVE: Bruno Fernandes has REJECTED Al Hilal proposal. ❌🇸🇦
Despite crazy contract proposal from the Saudi Pro League club, Bruno Fernandes wants to continue playing football in Europe.
Man United captain wants to play at top level in Europe. Decision made. pic.twitter.com/7liKWOHETs
— Fabrizio Romano (@FabrizioRomano) June 3, 2025
دواپەرەسەندنەکان چیبوون؟
هیلال هەوڵی زۆری بۆ رازیکردنی بڕونۆ فێرناندێس، ئەستێرەی مانچێستەر یونایتددا، بەڵام هەمووی بێهوودە بوون.
ساشا تاڤۆلێری، رۆژنامەنووسی شارەزا لە مێرکاتۆی هاوینە رایگەیاندبوو، خێزانی فێرناندێس بە ژیانی سعوودیە رازینین و ئەمەش پڕۆسەی گواستنەوەی سستکردبوو.
هیلال هەموو هەوڵێکی بۆ تەواوکردنی گرێبەستەکە بەر لە دەستپێکردنی مۆندیالی یانەکان چڕکردەوە، تەنانەت هیلال ئامادە بوو هەموو شتێک بۆ رازیکردنی فێرناندێس و خێزانەکەی بکات.
هیلال ئامادەیی بۆ خەرجکردنی 100 ملیۆن پاوەند بۆ گواستنەوەی فێرناندێس پیشاندابوو. یانەکەی پایتەختی سعوودیە ئامادەبوو لە ماوەی سێ ساڵدا، 200 ملیۆن پاوەند وەکو مووچە بە فێرناندێس بدات، لەسەرووی هەموو شتێکیشەوە، حکومەتی سعوودیە تەواوی ئاسانکارییەکانی بۆ فەراهەم دەکرد.
تەنیا حەفت رۆژ بۆ وادەی یەکەمی مێرکاتۆی هاوینە ماوە و 18ی ئەم مانگە، هیلال یەکەم یاریی خۆی لە مۆندیالی یانەکان بەرامبەر ریال مەدرید لە مەیامی دەکات.
رووبەڕووبوونەوەی ریال مەدرید قورسترین ئەرکی هیلالە لە مۆندیالی یانەکان، دواتر رووبەڕووی رێد بوڵ سالزبورگ و پاچووکا دەبێتەوە.
