دەنگۆکانی مێرکاتۆ؛ بارسێلۆنا ناوەڕاستکارێکی پرێمەرلیگی دەوێت و لیڤەرپوول بازاڕی گەرمە

بارسێلۆنا چاوی لە ناوەڕاستکارێکی ئارسیناڵە، لیڤەرپوول ئامادەیە بەرگریکارێکی باڵی چەپ بگوازێتەوە و ئێڤەرتن هەوڵی گواستنەوەی ئەستێرەیەکی برایتن دەدات…

بارسێلۆنا گفتوگۆکانی لەگەڵ ئارسیناڵ لەبارەی گواستنەوەی تۆماس پارتێی، ناوەڕاستکاری گانایی دەستپێکردووە، گرێبەستەکەی لە کۆتایی ئەم مانگە بەسەردەچێت – سەن

لیڤەرپوول خەریکی ئامادەکارییە بۆ گواستنەوەی میلۆس کێرکێز، بەرگریکاری بۆرنمس، بەهاکەی دەگاتە 40 ملیۆن پاوەند – گیڤ می سپۆرت

خۆشەویستەکەی لویس دیاز، ئەستێرەی لیڤەرپوول پۆستێکی هاوشێوەی پەیامی ماڵئاوایی لە هەژمارەکەی ئینستاگرامی بڵاوکردووەتەوە و پێدەچێت، کاروانی کۆڵۆمبییەکە لە ئانفیڵد تەواو بووبێت – ئینستاگرام

بایەر لیڤەرکوزن دووەم ئۆفەری لیڤەرپوولی بۆ گواستنەوەی فلۆریان ڤیرتز رەتکردەوە، لەوانەیە بۆ ئۆفەری داهاتوو، هەریەکە لە یاریزانان هارڤی ئیلیەت و جاڕێل کوانسا تێکهەڵکێشی ئۆفەرەکە بکات – کیکەر

کایڵ وۆڵکەر، بەرگریکاری ئینگلیزی دەیەوێت لە ئەیسی میلان بەردەوام بێت – لێدوان

لیام دێلاپ، هێرشبەری لاوی ئیپسویچ تاون پشکنینی پزیشکی لە چێڵسی کردووە و ئەمڕۆ بە 30 ملیۆن پاوەند دەبێتە یاریزانی چێڵسی – رۆمانۆ

ئێڤەرتن چاوی بڕیوەتە مات ئۆڕیلی، یاریزانی برایتن ئالبیۆن – سکای سپۆرتس

ماوریزیۆ ساری، راهێنەری پێشووی ناپۆلی، چێڵسی و یوڤێنتوس نزیکە لە گەڕانەوە بۆ لازیۆ – فابریزیۆ رۆمانۆ

بایەر لیڤەرکوزن و برێنتفۆرد لەسەر گواستنەوەی مارک فلێکن، گۆڵپارێزی هۆڵەندی بەبڕی 10 ملیۆن یۆرۆ رێککەوتن – سکای دۆچلاند

لەلایەکی دیکەوە، برێنتفۆرد لەگەڵ لیڤەرپوول بۆ گواستنەوەی کۆوامین کێڵێهێر بەبڕی 18 ملیۆن پاوەند رێککەوت – سکای سپۆرتس

سیمۆنی ئنزاگی چوارشەممە دوابڕیاری خۆی لەبارەی ئۆفەرەکەی هیلال دەدات و لەوانەیە لە مۆندیالی یانەکان سەرپەرشتی یانە سعوودییەکە بکات – رودی گالێتی

بارسێلۆنا هیچ گرنگییەکی بە گواستنەوەی هێرشبەران نەداوە و بۆ وەرزی داهاتوو پشت بە رۆبێرت لیڤاندۆڤسکی دەبەستێت – ئا بۆلا