ئارسینال درێسی وەرزی 2025-2026 نمایش کرد
یاریگا –
یانەی ئارسیناڵ بە فەرمی پەردەی لەسەر درێسی نوێی بۆ وەرزی داهاتوو لادا.
ئەدیداس و ئارسیناڵ درێسی یەکەمی تیپەکەیان بۆ وەرزی 2025-2026 نمایش کرد، دیزاینێک کە یانەکە دەڵێت “هاندەران دەباتە گەشتێکی سۆزداری بۆ سەرچاوەی ژیانی یانەکە، کە ئیلهام لە لێدانی دڵی مرۆڤەوە وەرگیراوە”.
ئەو ڤیدیۆ بانگەشەییەی بۆ دەستپێکردنی یارییەکە بڵاوکراوەتەوە، کە یاریزانانی هەردوو تیپی پیاوان و ئافرەتانی ئارسیناڵی تێدایە، دەنگی لێدانی دڵی راستەقینەی یاریزانەکان لەگەڵ مۆنۆلۆگی ناوەوەیان تێکەڵ دەکات بۆ ئەوەی ئەزموونێکی ناوازە و سۆزداری دروست بکات.
The pulse of our club.
Our new 25/26 @adidasFootball home kit is available now on Arsenal Direct and in-store 🛒
— Arsenal (@Arsenal) May 15, 2025
هاوکات لەگەڵ یادی 40 ساڵەی دامەزراندنی ئارسیناڵ، فیلمەکە بەشداربووانی پڕۆژە ناوخۆییەکانی یانەکەش لەخۆدەگرێت، کە هەموویان هێزی تۆپی پێ بەکاردەهێنن بۆ یارمەتیدانی منداڵان و گەنجان بۆ گەشەکردن و فێربوون.
بەشێک لە دیزاینە نوێیەکە ئاڵای بەناوبانگی “ڤیکتۆریا کۆنکۆردیا کرێسیت”ە، کە هێمایەک بۆ یەکەمجار لەسەر بەرگی بەرنامەی پاڵەوانێتییەکان لە وەرزی 1949-50دا دەرکەوت. پیتی A لە یانەی ئارسیناڵەوە بە فۆنتێکی گۆتیک دیزاین کراوە لەسەر درێسەکەدا دەردەکەوێت.
ئەم فۆنتە گۆتیکییە کە ناسنامەی یانەکە بیردەخاتەوە، پێشتر لەسەر درێسی کلاسیکی ماڵەوەی وەرزی 1990-91 هەبوو، کە یانەکە خولی بەدەستهێنا، ئێستاش بە دیزاینێکی نوێ لەسەر کیتی وەرزی 2025-2026 دروستکراوەتەوە.
one badge. all in.❤️
introducing the new Arsenal 25/26 home kit. available now.👉👉 https://t.co/pmeUUbpOBb pic.twitter.com/B1MD3bAWy2
— adidas Football (@adidasfootball) May 15, 2025
درێسە نوێیە ئەسڵیەکان بە تەکنەلۆژیای HEAT.RDY ی کۆمپانیای ئەدیداس دروستکراون، کە تەکنەلۆژیایەکە بۆ زیادکردنی ئاسوودەیی و باشتر گونجاندنی جەستە و بەڕێوەبردنی شێداری گونجاو دیزاین کراوە. لە تایبەتمەندییەکانیدا بەکارهێنانی تۆڕ لە شوێنە سەرەکییەکان و قوماشی سێ رەهەندی لە پشتی ملەکەی بۆ هەواگۆڕکێی هەەیە. هەروەها وەشانی AEROREADY ی ئەم کراسە بۆ هەوادارانی بەردەستە و لە کەرەستەی ریسایکل کراو دروستکراوە.
درێسە نوێیەکە بە شۆرتێکی سپی سادە تەواو کراوە کە وردەکارییەکانی سووری لەسەرە. تیپی پیاوانی ئارسیناڵ بۆ یەکەمجار لە کۆتا یاری ئەم وەرزەی پرێمەرلیگ لە یاریگای ئیمارات، کە رۆژی یەکشەممە 18ی ئایار ئەنجام دەدرێت، ئەو درێسە نوێیە لەبەر دەکەن.
