یاریگا –
وردەکاری کۆبوونەوەی نێوان فیدراسیۆنی تۆپی پێی ئیسپانیا و لیژنەی ناوبژیوانانی وڵاتەکە ئاشکرا دەکرێت.
پێگەی ئێل چیرینگویتۆ بڵاویکردووەتەوە، ئەمڕۆ فیدراسیۆنی تۆپی پێی ئیسپانیا و لیژنەی ناوبژیوانانی ئیسپانیا لەبارەی رووداوەکانی ئەم دواییە کۆبوونەتەوە و لەسەر چەند خاڵێک گفتوگۆیان کردووە بەڵام باسی کەناڵی ریال مەدریدیان نەکردووە.
پێگە ئیسپانییەکە ئاماژەی بەوەکردووە، لە کۆبوونەوەکەی ئەمڕۆ بڕیاردراوە لەمەودوا ناوبژیوانان بۆیان نییە کۆنگرەی رۆژنامەوانی بکەن و بەهیچ شێوەیەک نابێت ئەو رووداوە دووبارە ببێتەوە.
هەروەها هەڵمەتێک لەگەڵ حکومەت بۆ پاراستن و پاڵپشتیکردنی ناوبژیوانان دەستپێدەکات و لەمەودوا رێوشوێنی تووند بۆ پاراستنیان دەگیرێتەبەر، بەڵام لە کۆبوونەوەکە بەهیچ شێوەیەک باسی کەناڵی فەرمی ریال مەدرید نەکراوە، کە بەردەوام هێرش دەکاتە سەر ناوبژیوانان.
🚨DETALLES de la REUNIÓN:
👉La RFEF ha decidido que los árbitros no vuelvan a dar ruedas de prensa.
👉No se ha hablado de los vídeos de RMTV.
👉Se hará una campaña con el gobierno de protección y defensa de los árbitros.ℹ️ @marcosdlarocha https://t.co/HbVrQhf3Jy pic.twitter.com/d1juiCcPtt
— El Chiringuito TV (@elchiringuitotv) May 9, 2025
هاوکات دوای کۆبوونەوەکە رافایل لۆزان، سەرۆکی فیدراسیۆنی تۆپی پێی ئیسپانیا لە کۆنگرەیەکی رۆژنامەوانی رایگەیاند، ناوبژیوانانیش مرۆڤن و دەکرێت هەڵە بکەن، پێویستە بەیەکەوە کار بۆ بەرەوپێشبردنی بوارەکە بکەین و هاوکار و پاڵپشتی یەکتر بین.
25ـی نیسان و رۆژێک بەر لە یاریی کۆتایی جامی شای ئیسپانیا، بۆیەکەمجار کۆبوونەوەی رۆژنامەوانی بۆ ناوبژیوانان ریکخرا. دێ بۆرگۆس ناوبژیوانی یارییەکە لە کۆنگرەکە دەستی بە گریان کرد و ریال مەدریدی بە ناوزڕاندنی تۆمەتبارکرد، لێدوانەکانی هەرایەکی گەورەی نایەوە.
ریال مەدرید لەوبڕوایەدابوو لیژنەی ناوبژیوانان بە ئەنقەست 24 کاتژمێر بەر لە یاریی کۆتایی ئەو کارەیان کردووە تاوەکو زیان بە دەروونی تیپەکە و بگەیەنن و ناوبانگی یانەکەش لەکەدار بکەن.
هەربۆیە یانەکە بایکۆتی کۆنگرەی رۆژنامەوانی و مەشقەکانی پێش یارییەکەی و سەرجەم بۆنە فەرمییەکانی یاریی کۆتایی کرد و هەڕەشەی کشانەوەی لە یارییەکەش دەکرد. بەڵام لەکۆتاییدا بە هەوڵی رافایل لۆوزان دۆخەکە هێمنکرایەوە و یارییەکە لەکاتی خۆی بەڕێوەچوو.
🗣️"SON ÁRBITROS y SON PERSONAS… todos nos podemos EQUIVOCAR".
🇪🇸 Rafael Louzán, presidente de la RFEF, tras la reunión con los colegiados en Las Rozas.
📹@marcosdlarocha pic.twitter.com/j4jGyXmwS7
— El Chiringuito TV (@elchiringuitotv) May 9, 2025
