یاریگا –
ئەمڕۆ لە یاریی لووتكە و لە دێربی لەندەندا، چێڵسی و تۆتنهام رووبەرووی یەک دەبنەوە.
وا بڕیارە ئەمڕۆ پێنجشەممە كاتژمێر 22:00 چێڵسی لە یاریگای ستامفۆرد بریجی تایبەت بە خۆی میوانداری تۆتنهام بكات، لە میانی یارییەكانی گەڕی 30 پرێمەرلیگ.
پڕۆفایلی یاری
هەردوو یانە یەكەم یاریی خۆیان لە دوای پشووە نێودەوڵەتیەكان دەكەن و چێڵسی هەوڵی بردنەوە و گەڕانەوە بۆ ریزبەندی چوارەمی پرێمەرلیگ دەدات و تۆتنهامیش دەیەوێت لە پرێمەرلیگ بە بردنەوەكان شاد ببێتەوە.
چێڵسی لەم وەرزەدا لە كۆی 29 یاریی لە 14 یاریی براوە بووە، حەوت یاریی یەكسان بووە و هەشت یارییش دۆڕاوە.
بە كۆكردنەوەی 49 خاڵ لە ریزبەندی شەشەمی پرێمەرلیگ دێت.
لە بەرامبەردا تۆتنهام وەرزێكی خراپ بەڕێدەكات و لە كۆی 29 یاریی تەنیا دە یاریی بردووەتەوە چوار یاریی یەكسان بووە و پازدە یارییش دۆڕاوە.
بە كۆكردنەوەی 34 خاڵ لە ریزبەندی چواردەیەمی پرێمەرلیگ دێت.
هەواڵی پێكانی یاریزانەكان
چێڵسی بە بێ رۆمیۆ لاڤیا و مارك گێی بەرامبەر تۆتنهام یاریی دەكات.
لە بەرامبەردا تۆتنهام بە بێ دراگوشین، كۆلۆسێڤسكی و ریچارلیسن بەرامبەر چێڵسی یاریی دەكات.
پێکهاتەی پێشبینیکراوی چێڵسی
سانچێز
گوستۆ، فۆفانا، كۆلویل، كۆكۆرێیا
كایسێدۆ، ئینزۆ
مادویكی، پاڵمەر، نیتۆ
جاكسن
پێکهاتەی پێشبینیکراوی تۆتنهام
ڤیكاریۆ
پۆرۆ، رۆمێرۆ، ڤان دی ڤین، سپێنس
سار ، بێنتانكور
جۆنسن، مادیسن، سۆن
سۆلانكی
