رامۆس بە تەنزەوە باسی کارتە سوورەکەی لە خولی مەکسیکی دەکات

یاریگا –

سێرجیۆ رامۆس، لە دوا ساتەکانی یاریی نێوان مۆنتێری و پووماس لە خولی مەکسیکی بە کارتی سوور کرایەوە.

مۆنتێری یارییەکەی 3-1 لە پووماس بردەوە و رامۆس یەکەم کارتی سووری لە خولی مەکسیکی وەرگرت، دوای ئەوەی بە شەق لە گیلێرمۆ ماڕتینێزیدا، هەرچەندە تیمەکەی 3-0 لە پێشەوە بوو.

رامۆس لە سۆشیاڵ میدیا لەبارەی کارتە سوورەکە بە تەنزەوە روونیکردەوە

ناتوانم ئەم خولە بەبێ وەرگرتی کارتی سوور جێبهێڵم.

لەبارەی بردنەوەی یارییەکە، رامۆس نووسیویەتی

یارییەکی زۆر قورس و یاریگایەکی سەرنجراکێش بوو، کاتی ئەوەیە پشوو بدەین.

رامۆس لە سەرەتای مانگی رابردوودا، پەیوەندی بە مۆنتێری کرد، دوای ئەوەی بۆ ماوەی شەش مانگ بەبێ یانە مابووەوە، بەهۆی جێهێشتنی سێڤییا و رێکنەکەوتنی لەگەڵ هیچ یانەیەکی دیکە.

رامۆس بە درێژایی کاروانی وەرزشی یاریی بۆ یانەکانی پاریس سانجێرمان، ریال مەدرید و سێڤییا کردووە.