یاریگا –
بەشێوەیەکی فەرمی لە 27ـی ئەم مانگە، یارییە دواخراوەکەی بارسێلۆنا و ئۆساسونا بەڕێوەدەچێت.
هەفتەی رابردوو بارسێلۆنا چەند خولەکێک بەر لە دەستپێکردنی یارییەکە لە گەڕی 26ی لالیگا بەرامبەر ئۆساسونا، هەواڵی گیان لەدەستدانی پزیشکی یانەکەی راگەیاند و تەواوی هاندەرانی شۆک کرد.
یارییەکە لەسەر داوای بارسێلۆنا بۆ کاتێکی دیکە دواخرا و لە بەیاننامەیەکدا، سەرەخۆشی لە بنەماڵە و دۆستانی پزیشکەکە کرا.
ئەمڕۆش بەشێوەیەکی فەرمی لایگا بڕیاریدا یارییە دواخراوەکەی نێوانیان هەر لەم مانگە و پاش 10 رۆژی دیکە بەڕێوەبچێت.
