یاریگا –
ئارسیناڵ بوکایۆ ساکا بۆ رووبەڕووبوونەوەی ریال مەدرید لە قۆناخی چارەکی کۆتایی چامپیۆنزلیگ ئامادە دەکات.
دوێنێ یەکشەممە لە یارییەکانی گەڕی 29ـی پرێمەرلیگ، ئارسیناڵ لە دێربی لەندەن میوانداری چێڵسی کرد و بە تاکە گۆڵێکی میکێل مێرینۆ یارییەکەی بردەوە.
پاش یارییەکە میکێل ئارتێتای راهێنەری ئارسیناڵ دوایین نوێکاریی لەبارەی دۆخی پێکانەکەی بوکایۆ ساکا ئاشکراکرد و وادەی گەڕانەوەی یاریزانەکەی دیاریکرد.
ساکا لە گەڕانەوە نزیکبووەتەوە، بەرەوپێشچوونێکی زۆری بەخۆیەوە بینیووە، هەفتەی داهاتوو بۆیەکەمجار لەدوای سێ مانگ دەگەڕێتەوە مەشقە بەکۆمەڵەکان، ئەوکات سەیر دەکەین بزانین کاردنەوەی بەتۆپەوە چۆن دەبێت و تاوەکو چەند بۆ یاریکردن ئامادە دەبێت.
ساکا لە 22ـی دێسێمبەری 2024 لە ماسوولکەکانی رانی تووش پێکان بووە و نەشتەرگەری بۆکرا. بەوهۆیە ماوەی 101 رۆژە بەشداریی هیچ یارییەکی نەکردووە.
گەنەرز لە 8ـی نیسان لە یاریگای ئیماڕات میوانداری ریال مەدرید دەکات، لە 16ـی نیسانیش لە یاریی گەڕانەوە و لە سانتیاگح بێرنابیۆ دەبێتە میوانی یانە ئیسپانییەکە.
