دیشامپ بەهۆی کۆچی دوایی دایکییەوە کەمپی فەرەنسا جێدەهێڵێت
ئامادەی یارییەکەی نەرویج نابێت
یاریگا –
فیدراسیۆنی تۆپی پێی فەرەنسا بە فەرمی رایگەیاند کە دیدیێ دیشامپ، راهێنەری هەڵبژاردەی فەرەنسا، دایکی کۆچی دوایی کردووە.
بەهۆی ئەم رووداوە دڵتەزێنەوە، دیشامپ بڕیاریدا کەمپی هەڵبژاردەکەی لە ویلایەتە یەکگرتووەکانی ئەمریکا جێبهێڵێت بۆ ئەوەی لە نزیکەوە لەگەڵ خێزانەکەی بێت و بەشداریی لە مەراسیمی پرسەی دایکیدا بکات. بەم هۆیەوە، ناوبراو ناتوانێت رۆژی هەینی لەسەر کورسی یەدەک ئامادە بێت بۆ سەرپەرشتیکردنی دوایین یاریی قۆناخی کۆمەڵەکان بەرامبەر هەڵبژاردەی نەرویج.
Didier Deschamps a perdu sa maman annonce la FFF. Très triste nouvelle pour le coach de l’équipe de France. Il quitte les Etats-Unis pour être au plus près de ses proches et assister aux obsèques.
Il ne pourra pas être présent sur le banc vendredi pour le dernier match du groupe… pic.twitter.com/ZWYLhiMwlD
— Fabrice Hawkins (@FabriceHawkins) June 23, 2026
بە رێککەوتن لەگەڵ فیلیپ دیالۆ، سەرۆکی فیدراسیۆنی تۆپی پێی فەرەنسا، دیشامپ بەرپرسیارێتییەکەی رادەستی ‘گای ستیفان’ـی یاریدەدەری کردووە بۆ ئەوەی تاوەکوو کاتی گەڕانەوەی، سەرپەرشتی و سەرکردایەتی تیپەکە بکات.
تەواوی یاریزانان و ستافی هەڵبژاردەی فەرەنسا بەم هەواڵە خەمبارن و هاوسۆزی خۆیان بۆ دیشامپ و خێزانەکەی دەربڕیوە.