یاریگا –
چیرۆکە پر رووداوەکەی گواستنەوەی کیلیان ئێمباپێ لە پاریس سانجێرمانەوە بۆ ریال مەدرید لە هاوینی داهاتوو تەواوبوو، بەڵام تاوەکو ئێستا قسە و باسی زۆر لەبارەی مووچەی ئێمباپێ لە مەدرید دەکرێت.
ئێمباپێ حەفت وەرز یاریی بۆ پاریس سانجێرمان کرد، خاوەنی 256 گۆڵە و بووە گۆڵکاری مێژوویی یانەکە.
هەرچەندە ئێمباپێ بە گرێبەستێکی خۆڕایی پەیوندەنی بە مەدریدەوە کرد، بەڵام مووچە و شیرینی گرێبەستەکە وایکردووە، ئێمباپێ ببێتە یەکێک لەو یاریزانانەی بەرزترین مووچەیان لە لالیگادا هەیە.
تۆڕی وەرزشی یاریگا بە پشت بەستن بە داتاکانی پێگەی کاپۆلۆجی تایبەتمەند بە مووچەی یاریزانان، ژمارەکان دەخاتەڕوو.
ئێمباپێ گرێبەستێکی بۆ ماوەی پێنج ساڵ لەگەڵ مەدرید واژۆ کردووە و یەکێکە لەو یاریزانانەی بەرزترین مووچەیان لە ریال مەدرید هەیە.
ئێمباپێ هەفتانە بڕی 62 هەزار دۆلار (62 دەفتەر) وەردەگرێت و بەمەش مووچەی ساڵانەی دەگاتە 32 ملیۆن دۆلار.
| یاریزان | وڵاتینامە | مووچەی هەفتانە/پاوەند | مووچەی هەفتانە/دۆلار | مووچەی ساڵانە/پاوەند | مووچەی ساڵانە/دۆلار |
|---|---|---|---|---|---|
| ئێمباپێ | فەڕەنسی | £498,248 | $629,355 | £25,908,917 | $32,726,459 |
بەرزترین مووچەخۆرانی ریال مەدرید
ئێستا روونە کام یاریزان خاوەن بەرزترین مووچەیە لە ریال مەدرید، بەڵام یاریزانی خاوەن پلەی دووەم لەوانەیە هەمووان شۆک بکات، چونکە ناوێکی ئەوتۆی لە نێو مووچەوەرگراندا نییە.
دەیڤد ئالابا، بەرگریکاری نەمسایی ساڵانە بڕی 21 ملیۆن دۆلار وەردەگرێت و هەریەکە لە جود بێڵینگهام، ڤینیسیۆس جونیۆر لە دوای ئالاباوە دێن.
| یاریزان | وڵاتینامە | مووچەی هەفتانە / پاوەند | مووچەی هەفتانە / دۆلار | مووچەی ساڵانە / پاوەند | مووچەی ساڵانە / دۆلار |
|---|---|---|---|---|---|
| ئێمباپێ | فەڕەنسی | £498,248 | $629,355 | £25,908,917 | $32,726,459 |
| ئالابا | نەمسایی | £356,659 | $455,608 | £18,546,242 | $23,691,627 |
| بێڵینگهام | بەریتانی | £330,187 | $421,792 | £17,169,698 | $21,933,182 |
| ڤینیسیۆس | بەڕازیلی | £330,187 | $421,792 | £17,169,698 | $21,933,182 |
| ڤالڤێردی | ئوروگوایی | £264,244 | $337,555 | £13,740,704 | $17,552,863 |
پێنج خاوەن بەرزترین مووچەی لالیگا
راستە ئێمباپێ خاوەن بەرزترین مووچەیە لە ریال مەدرید، بەڵام لەسەر ئاستی لالیگا دووەم و رۆبێرت لیڤاندۆڤسکی، ئەستێرەی بارسێلۆنا خاوەن بەرزترین مووچەیە لەسەر ئاستی خولەکە.
یان ئۆبڵاک، گۆڵپارێزی ئاتلێتیکۆ مەدرید ناوی لە نێو ئەو یاریزانانەی بەرزترین مووچە وەردەگرندا هەیە.
| یاریزان | وڵاتینامە | مووچەی هەفتانە/پاوەند | مووچەی هەفتانە/دۆلار | مووچەی ساڵانە/پاوەند | مووچەی ساڵانە/دۆلار |
|---|---|---|---|---|---|
| لیڤاندۆڤسکی | پۆڵەندی | £528,330 | $674,908 | £27,473,166 | $35,095,197 |
| ئێمباپێ | فەڕەنسی | £498,248 | $629,355 | £25,908,917 | $32,726,459 |
| ئالابا | نەمسایی | £356,659 | £455,608 | £18,546,242 | $23,691,627 |
| ئۆبڵاک | سلۆڤینی | £330,187 | $421,792 | £17,169,698 | $21,933,182 |
| بێڵینگهام | بەریتانی | £330,187 | $421,792 | £17,169,698 | $21,933,182 |
خاوەن بەرزترین مووچە لە جیهان؟
هەرچەندە ئێمباپێ یەکێکە لەو یاریزانانەی زۆرترین مووچە لەسەر ئاستی لالیگا و ئەوروپا وەردەگرن، بەڵام ناوی لە نێو خاوەن بەرزترین پێنج مووچەی جیهاندا نییە.
ئەستێرەکانی خولی رۆشنی سعوودیە ریزبەندییەکەیان داگیرکردووە و ئەمەش یەکێکە لە هۆکارە سەرەکییەکانی گواستنەوەی یاریزانان بۆ وڵاتەکە.
| یاریزان | یانە | مووچەی هەفتانە/پاوەند | مووچەی هەفتانە/دۆلار | مووچەی ساڵانە/پاوەند | مووچەی ساڵانە/دۆلار |
|---|---|---|---|---|---|
| رۆناڵدۆ | نەسڕ | £3,846,154 | $4,027,872 | £200,000,000 | $209,449,340 |
| بێنزێما | ئیتیحاد | £1,923,077 | $2,013,936 | £100,000,000 | $104,724,670 |
| مەحرز | ئەهلی | £1,003,846 | $1,051,275 | £52,200,000 | $54,666,278 |
| مانێ | نەسڕ | £769,231 | $805,574 | £40,000,000 | $41,889,868 |
| کۆلیبالی | هیلال | £667,308 | $698,836 | £34,000,000 | $36,339,460 |
