یاریگا –
رۆدیگەر بەهۆی تووشبوونی بە ئەنفلەوەنزاوە بەشداریی راهێنانەکانی ئەمڕۆی ریال مەدریدی نەکرد و گومان دەکرێت سبەی بەرامبەر رایۆ ڤاییکانۆ بەردەست بێت.
رادیۆی کادێنا کۆپی ئیسپانی ئاشکرایکردووە، ئەنتۆنیۆ رۆدیگەر بەهۆی ئەوەی تووشی ئەنفلەوەنزا بووە، بەشداریی مەشق و راهێنانەکانی ئەمڕۆی ریال مەدریدی نەکرد و گومان دەکرێت بۆ یاریی سبەی بەرامبەر رایۆ ڤاییکانۆ ئامادە بێت.
🌧️🏋️♂️ Entrenamiento bajo la lluvia del @realmadrid en el día previo al partido frente al @RayoVallecano
🔋 Valverde, uno más realizando los ejercicios con el grupo
🤧 El gran ausente de la mañana es Rüdiger, que atraviesa un proceso gripal
📹 @javiherraez pic.twitter.com/rpL3ZnUhya
— Carrusel Deportivo (@carrusel) March 8, 2025
تۆڕی وەرزشی ئاتلەتیکی ئەمریکی رایگەیاندووە، رۆدیگەر لە هۆڵی داخراوی یانەکەی بە تەنیا چەند مەشق و راهێنانێکی سووک دەکات و بەشداریی راهێنانە بەکۆمەڵەکانی یانەکەی نەکرد، کە فێدریکۆ ڤالڤێردی گەڕاوەتەوە راهێنانەکانی یانەکەی و ئەمڕۆ بەشداریی مەشقەکانی مێرەنگی کرد.
سبەی یەکشەممە کاتژمێر 18:15 ریال مەدرید لە گەڕی بیست و حەفتەمی لالیگا لە یاریگای خۆی میوانداریی رایۆ ڤاییکانۆ دەکات.
