بە بەڵگە؛ گۆڵەکەی براهیم دیاز دروستبوو یان ڤینیسیوس جونیۆر ئۆفساید بوو؟
یاریگا –
گۆڵەکەی براهیم دیاز بەرامبەر ئاتلێتیکۆ مەدرید دروستبووە و ئۆفساید نەبووە، کە ئەو گۆڵە لە دێربی مەدرید مقۆ مقۆیەکی زۆری دروستکرد.
هەژماری ئارکیڤۆ ڤار کە تایبەتە بە وردبینیکردن لە بڕیارەکانی ناوبژیوانان و ڤار، ئاشکرایکردووە گۆڵەکەی براهیم دیاز بەرامبەر ئاتلێتیکۆ مەدرید لە یاریی چوونی قۆناخی 16ـی چامپیۆنزلیگ دروستبوو، چونکە ڤینیسیوس جونیۆر هیچ کاریگەرییەکی لەسەر گۆشەی بینینی یان ئۆبلاک نەکرد.
⁉️💥 ¿La acción de Vinicius es suficiente para significar fuera de juego por interferencia?
✅ 𝗡𝗢.
📖 El reglamento habla de “obstruir 𝗖𝗟𝗔𝗥𝗔𝗠𝗘𝗡𝗧𝗘 el campo visual de un rival”. Para que dicha obstrucción sea clara, debe condicionar por completo el movimiento del… pic.twitter.com/ltAoaIOz8x
— Archivo VAR (@ArchivoVAR) March 5, 2025
ئارکیڤۆ ڤار لەبارەی گۆڵەکەی دیاز نووسیویەتی :’گۆڵەکەی دیاز دروستبوو، چونکە ڤینیسیوس لە شوێنێک وەستابوو هیچ کاریگەرییەکی لەسەر گۆشەی بینینی یان ئۆبلاک نەبوو، گۆڵپارێزەکەی ئاتلێتیکۆ مەدرید زۆر بە روونی تۆپەکەی لێ دیار بوو، بۆیە دوای گۆڵەکەش ناڕەزایەتی دەرنەبڕی’.
لەلایەکی دیکەوە رۆژنامەی مارکای ئیسپانی بەراوردی گۆڵەکەی دیازی بە گۆڵێکی وەرزی رابردووی ئاتلێتیکۆ مەدرید کردووە، کە بە هەمان شێوە کاتێک ساڤیچ گۆڵی کرد یاریزانێکی ئاتلێتیکۆ مەدرید لە ئۆفساید بوو، بەڵام ئەو گۆڵەی ئاتلێتیکۆ هەژمارکرا.
👋 Buenos días!! Hoy nos despertamos con la polémica del derbi de ayer en #UCL
😡 Y es que, las redes reclaman fuera de juego de Vinicius en el gol de Brahim y recuerdan el anulado de la 2023-24
⚽ Comparan la posición de Vinicius con el tanto que hizo Savic al Madrid pic.twitter.com/MSda3INdjm
— MARCA (@marca) March 5, 2025
ریال مەدرید لە یاریی چوونی قۆناخی 16ـی چامپیۆنزلیگ لە یاریگای سانتیاگۆ بێرنابیۆ 2-1 لە ئاتلێتیکۆ مەدریدی بردەوە، کە براهیم دیاز و رۆدریگۆ هەردوو گۆڵەکەی مێرەنگیان کرد و جولیان ئالڤارێزیش گۆڵەکەی رۆخی بلانکۆسی کرد.
