ئێستا؛ گەورەیەکی ئەوروپا راهێنەرەکەی دوورخستەوە
یاریگا –
بۆڕووسیا دۆرتموندی ئەڵمانی راهێنەرەکەی دووردەخاتەوە.
تۆڕی هەواڵی سکای ئەڵمانیا بڵاویکردووەتەوە، یانەی بۆڕووسیا دۆرتموندی ئەڵمانی نوری شاهینی لە پۆستی راهێنەرایەتی تیپەکەی دوورخستووەتەوە.
دۆرتموند بە دۆخێکی خراپدا تێدەپەڕێت، لە دوایین نۆ یاریی لە سەرجەم پاڵەوانێتییەکان تەنیا یەک یاریی بردووەتەوە و رووبەڕووی رەخنەیەکی زۆر بووەتەوە.
🚨 ⚫️🟡 BREAKING: NURI SAHIN ALS #BVB-COACH ENTLASSEN.
Mannschaft und Trainer wurden noch in der Nacht im Hotel in Bologna informiert. Auch Bild berichtet darüber. @SkySportDE
— Patrick Berger (@berger_pj) January 22, 2025
زەردەواڵەکان شەوی رابردوو لە یارییەکانی گەڕی حەوتەمی چامپیۆنزلیگ بوونە میوانی بۆڵۆنیا و 2-1 تووشی شکست بوون
بەگوێرەی زانیارییەکانی سکای، هەر دوێنێ شەو دوای یارییەکە دۆرتموند بڕیاری دوورخستنەوەی راهێنەرەکەی داوە و شاهین و تیپەکەی لە بڕیارەکە ئاگادارکردووەتەوە.
بۆ شوێنی نوری شاهین، ئێریک تێن هاخی راهێنەری پێشووی مانچێستەر یونایتد بەربژێری سەرەکییە و پێشبینی دەکرێت پۆستی راهێنەرایەتی یانەکە لەئەستۆ بگرێت.
