پریڤیوی یاریی ریال مەدرید V رێد بوڵ سالزبورگ؛ دوا هەواڵ و پێكهاتەی پێشبینیكراو

یاریگا –

ئەمڕۆ پاشای ئەوروپا بە پاڵەوانیەتییە دڵخوازەكەی ’ چامپیۆنزلیگ ’ شاد دەبێتەوە.

وا بڕیارە ئەمڕۆ چوارشەممە كاتژمێر 23:00 بە كاتی كوردستان ریال مەدرید لە یاریگای خۆیدا میوانداری سالزبورگ بكات، لە میانی یارییەكانی گەڕی حەوتەمی چامپیۆنزلیگ.

پڕۆفایلی یاری

ریال مەدریدی خاوەن زۆرترین نازناوی چامپیۆنزلیگ لەم وەرزەدا ئاستی جێگیر نییە.

هەرچەندە لە یاریی كۆتایی جامی سوپەری ئیسپانیا بەرامبەر بارسێلۆنا تووشی شكستێكی سەخت بوون، بەڵام یانە شاهانەكە لە كۆتا پێنج یارییدا 19 گۆڵییان كردووە.

لەم وەرزەی چامپیۆنزلیگدا لە كۆی شەش یاریی ریال مەدرید سێ یاریی بردووەتەوە و سێ یارییش دۆڕاوە.

بە كۆكردنەوەی 9 خاڵ لە ریزبەندی 22 چامپیۆنزلیگ دێن.

لە بەرامبەردا سالزبورگ لە شەش یارییدا تەنیا یەك یارییان بردووەتەوە و پێنج یارییش دۆڕاون.

بە كۆكردنەوەی سێ خاڵ لە ریزبەندی 33 چامپیۆنزلیگ دێن.

هەواڵی پێكانی یاریزانەكان

ریال مەدرید لە لیستی یاریزانەكانیدا بۆ رووبەرووبوونەوەی سالزبۆرگ هیچ یاریزانێكی باڵی راست لە پێكهاتەكەیدا نییە.

بۆ ئەو یارییە بەهۆی راگیرانەوە لە تواناكانی لوكاس ڤازكێز بێ بەش دەبێت و هەروەها بەهۆی پێكانەوە لە تواناكانی، میلیتاو، كارڤاخال و كاماڤینگا بێبەش دەبێت.

لە بەرامبەردا سالزبورگ بە بێ كەریم كۆناتێ، سامسن تیجانی و كایەرگارد بێبەش دەبێت.

پێکهاتەی پێشبینیکراوی ریال مەدرید

كۆرتوا

ڤاڵڤێردی، ئەسینسیۆ، رودیگەر، مێندی

سێبایۆس ، مۆدریچ

ڤینیسیۆس، بێڵینگهام، رۆدریگۆ

ئێمباپێ

پێکهاتەی پێشبینیکراوی سالزبورگ

بلاسویچ

مۆرگالا، بایدۆ، پیاتكۆوسكی، تێرزیچ

یێیۆ، كاپایدۆ، بیدستروپ، نینی

گلۆش، راتكۆڤ