یاریگا –
یاریزانێکی مانجێستەر سیتی، کە سەروەختێک گرانترین گواستنەوە بوو، بیر لە جێهێشتنی یانەکەی دەکاتەوە.
جاک گریلیش لەلایەن پێپ گواردیۆلاوە وەک یاریزانی سەرەکیی پشتیپێنابەسترێت و ئاستی پێشووتری بەتەواوەتی ون بووە.
گریلیش لە ساڵی 2021 لە ئاستۆن ڤیلاوە بە بڕی 100 ملیۆن پاوەند (123 ملیۆن دۆلار) وەک گرانترین یاریزانی ئینگلیزی لە مێژوودا گواسترایەوە بۆ ریزەکانی سیتیزنس. ئەگەرچی توانی لەگەڵ سیتی نازناوە گەورەکان بباتەوە، بەڵام لەوەتەی ساڵی 2024 ئاستی بەتەواوەتی داکشاوە. بەجۆرێک، لە ساڵی رابردوودا تەنها یەک گۆڵی هەبوو ئەویش لە جامی یەکێتی ئینگلتەرا بەرامبەر یانەی ساڵفۆردی پلە دوو تۆماریکرد.
بەگوێرەی زانیارییەکانی ماڵپەڕی Goalی وەرزشی، کەمی بەشداریپێکردنی لەلایەن گواردیۆلاوە، وای لە گریلیش کردووە یانەکە جێبهێڵێت. بیرۆکەکە لای یانەکەشی رەنگە پێشوازیلێکراوبێ بەهۆی زۆریی مووچەکەیەوە، بەتایبەت کە ئێستا مان سیتی پلانەکانیان بۆ هێنانی یاریزانی نوێ چڕترکردووەتەوە و تەنها کات ماوە تا گرێبەستی عومەر مەرمووشی ئەستێرەی میسڕی و یاریزانی ئێستای فرانکفورت رابگەیەنن.
ئێستا پێپ بژاردەی تری هەیە ئەوانیش یاریزانەکانی وەک جێریمی دوکۆی بەلجیکی و ساڤینهۆی بەڕازیلیە. بەوەش هێندەیتر دەرفەتەکانی بەردەم جاک کەمتبوونەوتەوە.
ئەو سەرچاوەیە زانیوشیەتی کە یانەکانی بروسیا دۆرتموند و ئینتەر میلان چاودێری یاریزانەکە دەکەن.
