یاریگا –
دوای پێشکەشکردنی دەستلەکار کێشانەوەی لە راهێنەرایەتی تیپەکە، کارگێڕی گازی باکوور بریاری راهێنەرەکەیان قبوڵکرد.
مەحمود مەجید راهێنەری گازی باکوور دەستلەکار کێشانەوەی پێشکەشی کارگێڕی یانەکە کردوو دە ستلەکار کێشانەوەکەشی قبوڵکرا، دوای ئەوەی لەگەل پێشمەرگەی سلێمانی یەکسان بوو لە گەڕی 12ـەی خولی نایابی عێراق، مەحمود مەجید بریاریدا واز لە ئەرکەکەی بهێنێت، مەحمود مەجید بە تۆڕی وەرزشی یاریگای راگەیاند کە ماوەیەکە نامەی دەستلەکار کێشانەوەی پێشکەشکردووە بەڵام دەستەی کارگێڕی ئەمڕۆ قبوڵیان کردووە.
تۆڕی وەرزشی یاریگا ئەوەشی زانیوە کە رەوەند عەبدولخالق نزیکە لەوەی شوێنی مەحمود مەجید بگرێتەوە و ئەرکی راهێنەرایەتی تیپەکە وەربگرێت، گازی باکوور دوای تێپەڕبوونی 12 گەڕ لە یارییەکانی خولی نایابی عێراق، نۆ خاڵی کۆکردۆتەوە و لە ریزبەندی 18ـەی خولەکە دێت.
