تەواو؛ عەلی حەمادی پرێمەرلیگ بەجێدەهێڵێت

یاریگا –

عەلی حەمادی پرێمەرلیگ بەجێدەهێڵێت و بە خواستن روودەکاتە ریزەکانی وێست برۆمیچ ئالبیۆن.

ماڵپەڕی بێرمینگهام وۆرڵدی بەریتانی ئاشکرایکردووە، عەلای حەمادی هێرشبەری عێراقی لەگەڵ یانەی وێس برۆمیچ ئالبیۆن گەیشتووەتە رێککەوتن، بە خواستن تا کۆتایی ئەم وەرزە روودەکاتە ئەو یانەیە، کە وێست برۆمیچ لە چامپیۆنشیپ یاریی دەکات.

ئەمڕۆ سێشەممە عەلی حەمادی پشکنینە پزیشکییەکانی دەکات بۆ ئەوەی پەیوەندی بە ریزەکانی وێست برۆمیچ بکات، ئەو هێرشبەرە 22 ساڵانە لە پرێمەرلیگ تەنیا 125 خولەک دەرفەتی یاریکردنی پێدرا و بەهۆی نەبوونی دەرفەتەوە ریزەکانی ئیپسویچ تاون بەجێدەهێڵێت، کە خاوەنی 14 یاریی نێودەوڵەتییە بە درێسی هەڵبژاردەی عێراق.

عەلی حەمادی بەرامبەر سێ ملیۆن یۆرۆ لە ئیپسویچ تاونەوە روودەکاتە ریزەکانی وێست برۆمیچ، کە ساڵی رابردوو لە وێمبڵدۆنەوە پەیوەندی بە ئیسپویچ کرد.