مانوێل نۆیەر چارەنووسی خۆی لە بایرن میونشن یەکلاکردەوە

یاریگا –

مانوێل نۆیەر چارەنووسی خۆی لە بایرن میونشن یەکلاکردەوە و دەڵێت ‘بەمزووانە گرێبەستەکەم نوێ دەکەمەوە’.

مانوێل نۆیەر گۆڵپارێزی بایرن میونشن لە لێدوانێکی بۆ کەناڵی Sport1ـی ئەڵمانی دەڵێت :’بەڵێ راستە، بەمزووانە گرێبەستەکەم لەگەڵ یانەی بایرن میونشن نوێدەکەمەوە’.

نۆیەر تاوەکو هاوینی 2026 گرێبەستەکەی لەگەڵ بایرن میونشن نوێدەکاتەوە، کە هاوینی داهاتوو گرێبەستەکەی لەگەڵ یانە باڤارییەکە کۆتایی دێت.

نۆیەر لەوەتەی ساڵی 2011 پاسەوانی گۆڵی بایرن میونشنە و لە 541 یاریی بە درێسی باڤارییەکان 257 کلین شیتی تۆمارکردووە، دوو نازناوی چامپیۆنزلیگ و 11 نازناوی بوندسلیگا و 6 جامی ئەڵمانیای لەگەڵ بایرن بەدەستهێناوە.