تەواو؛ ئەمڕۆ مانچێستەر یونایتد گرێبەستی بەرگریکارێک رادەگەیەنێت
یاریگا –
ئەمڕۆ مانچێستەر یونایتد گواستنەوەی دیێگۆ لیۆن بەرگریکاری پاراگوایی رادەگەیەنێت و پشکنینە پزیشکییەکانی بۆ دەکرێت.
فابریزیۆ رۆمانۆ رۆژنامەنووسی ئیتاڵی ئاشکرایکردووە، ئەمڕۆ دیێگۆ لیۆن بەرگریکاری پاراگوایی لە شاری مانچێستەر پشکنینە پزیشکییەکانی بۆ دەکرێت و بەرامبەر 5 ملیۆن یۆرۆ بەفەرمی دەبێتە یاریزانی مان یونایتد.
لیۆن (17 ساڵان) لە یانەی سێرۆ پۆرتێنیۆی پاراگواییەوە پەیوەندی بە ریزەکانی مانچێستەر یونایتد دەکات، کە لە بۆرسەی یاریزانان نرخی ئەو یاریزانە 4 ملیۆن یۆرۆیە.
🚨🇵🇾 Paraguayan LB Diego León, in Manchester today for medical and announcement as new Man United player.
$4m plus $1m easy add-ons and over $3.5m difficult ones to Cerro Porteno.
León will join United in July 2025, he will fly back to Paraguay on Tuesday. pic.twitter.com/ztLg8TMwTv
— Fabrizio Romano (@FabrizioRomano) January 12, 2025
لیۆن کە لە بەرگری چەپ یاریی دەکات، بەرامبەر 4 ملیۆن یۆرۆ گرێبەستەکەی واژۆ دەکات و ملیۆنێک یۆرۆش وەکو پاداشت دواتر دەچێتە سەر گرێبەستەکەی، 3.5 ملیۆن یۆرۆی دیکەش وەکو پاداشت لەناو گرێبەستەکەی جێگیر دەکرێت، بەڵام مەرجەکانی وەرگرتنی ئەو پاداشتە قورسە.
ئەمڕۆ بەرگریکارە پاراگواییەکە تاوەکو هاوینی 2025 گرێبەستەکەی لەگەڵ مان یونایتد واژۆ دەکات و رۆژی سێشەممە دەگەڕێتەوە پاراگوای.
