یاریگا –
پێش دەستپێکردنی جەنگی کلاسیکۆی نێوانیان لەسەر لاکێشەی سەوز، جەنگی زارەکیی و لێدوانی ئاگرین لەلایەن یاریزانانی بارسێلۆنا و ریال مەدریدەوە دەستیپێکردووە.
سبەی یەکشەممە کاتژمێر 22:00 لە سعودیە هەردوو زلهێزەکەی ئیسپانییا لە میانی یاریی کۆتایی جامی سوپەری ئیسپانیا رووبەڕووی یەکتردەبنەوە. کە ئەوە سێیەم فیناڵە کلاسیکۆ بەخۆوە ببینێت و هاوکات دووەمین کلاسیکۆی ئەم وەرزەیە.
لە لێدوانێکیدا بۆ پێگەی Barcelon One ئینیگۆ مارتینێزی بەرگریکاری بلاوگرانا وەک خاڵە لاوازەکانی مەدرید پێ بزانن، وتی
ئێمە دەزانین دەبێ چیبکەین و لە کوێوە هێرشیان بکەینەسەر و لە کوێشەوە بگەینە سەر گۆڵەکەیان. بە متمانەبەخۆبوونێکی زۆرەوە بۆیان دەچینە مەیدان بە تیمێکی زۆر بەتواناترەوە. ئێمە زۆر بەجۆش و خرۆشین. ئەمە یەکەمین نازناوی ساڵەکەیە و دەمانەوێ بیبەینەوە. بردنەوەشی دەبێتە پاڵنەرێکی کاریگەر بۆ پاڵەوانێتیەکانیتر.
ئەم لێدوانانەی یاریزانە ئیسپانییەکە لەکاتێکدایە رکابەرەکانیشی لە ریال مەدرید هەر لەدوای بردنەوە گەورەکەیان لە مایۆرۆکا، بە پۆستکردنی وێنەی خۆیان لە سۆشیاڵ میدیا ئەوپەڕی ئامادەیی خۆیان پیشاندا بۆ رووبەڕووبوونەوەی بارسا.
مێرەنگی بە نیازە بە بەردێک دوو چۆلەکە بپێکێت؛ تۆڵەکردنەوەی شکستە قورسەکەی نێو سانتیاگۆ بێرنابیۆ کە 0-4 کۆتایی هات لە میانی رکابەرێتیەکانی لالیگا و هەروەها بێبەشکردنی بارسا لە یەکەم نازناوی ئەم ساڵە. ئەوە بەتایبەت کە شاهانەکانی پێی خۆیان لە پێشەنگی خولی ئیسپانی بۆ بردنەوەی نازناوی خولەکە قایمکردووە بە جیاوازیی 5 خاڵە لە یانە کەتەلۆنیەکەوە.
