ئێنزۆ مارسێکا بڕیارێکی سەیر لەبارەی کیرنان هۆڵ دەدات
یاریگا –
ئێنزۆ مارسێکای راهێنەری چێڵسی دەستبەرداری کیرنان هۆڵ دەبێت.
رۆژنامەنووسی ئیتاڵی فابریزیۆ رۆمانۆ بڵاویکردووەتەوە، چێڵسی کیرنان هۆڵی ئاگادارکردووەتەوە، ئەگەر لە مێرکاتۆی زستانە ئۆفەرێکی گونجاوی پێشکەش بکرێت دەتوانێت یانەکە جێبهێڵێت.
هۆڵ هاوینی رابردوو بەبڕی 35 ملیۆن یۆرۆ لە لێستەر سیتییەوە پەیوەندی بە چێڵسی کرد، دوای تەنیا شەش مانگ لە گرێبەستەکەی یانە لەندەنییەکە دەیەوێت دەستبەرداری ببێت.
🚨🚪 Kiernan Dewsbury-Hall can leave Chelsea this month in case of good bid for both player/club.
Chelsea already informed the player since December about his availability on the market. pic.twitter.com/8LteQMpCYZ
— Fabrizio Romano (@FabrizioRomano) January 8, 2025
ئەوەی جێگای سەرسوڕمانە، یاریزانەکە و ئێنزۆ مارێسکا وەرزی رابردوو بەیەکەوە لە لێستەر سیتی بوون و یانەکەیان بۆ پرێمەرلیگ سەرخستەوە. هەردووکیشیان بەیەکەوە پەیوەندییان بە چێڵسی کرد. بەڵام ئێستا ئێنزۆ یایزانەکەی ناوێت.
بەگوێرەی راپۆرتێکی ماڵپەڕی fichajes هەردوو یانەی ئاستۆن ڤێلا و وێستهام یونایتد چاودێری یاریزانەکەیان کردووە و دەیانەوێت گرێبەستی لەگەڵ واژۆ بکەن.
ناوەڕاستکارە 26 ساڵانییەکە 15 یاریی بە درێسی بلوز کردووە. دوو گۆڵی کردووە و گۆڵێکیشی دروستکردووە.
