یاریگا –
هانزی فلیک، راهێنەری ئەڵمانی یانەی بارسێلۆنای ئیسپانی چەكێكی بەهێزی بۆ یارییەكانی داهاتووی یانەكەی بۆ دەگەڕێتەوە.
لامین یامال لە یاریی گەڕی حەڤدەی لالیگا بەرامبەر لێگانێس تووشی پێكان بوو بەهۆیەوە یاریگای جێهێشت.
دوای پشكنینەكان بۆ ئەستێرە لاوەكەی ئیسپانیا دەركەوت لە پاژنەی پێی راستی پێكانی هەیە و ماوەی مانگێک لە یاریگاكان دووردەكەوێتەوە.
🔙 Lamine ya entrenará con el grupo el miércoles 1 de enero
✍️ @javigasconMD https://t.co/nD77tUgScZ
— Mundo Deportivo (@mundodeportivo) December 31, 2024
بە گوێرەی نوێترین زانیاریەكان كە رۆژنامەی موندۆ دیپۆرتیڤۆ بڵاویكردووەتەوە، لامین یامال لە پێكانەكەی چاكبووەتەوە.
ئاماژە بەوەشكراوە، سبەی ئەستێرەكەی هەڵبژاردەی ئیسپانیا و بارسێلۆنا دەگەڕێتەوە راهێنانە بەكۆمەڵەكانی یانەكەی.
ئەوەشخراوەتە روو، لامین یامال بۆ یاریی قۆناخی پێش كۆتایی جامی سوپەری ئیسپانیا بەرامبەر ئاتلێتیک بلباو ئامادە دەبێت.
چاوەڕوان دەكرێت یارییەكانی جامی سوپەری ئیسپانیا لە بەرواری 8ی مانگی داهاتوو لە سعوودیە بە بەشداری یانەكانی بارسێلۆنا، ریال مەدرید، ئاتلێتیك بلباو، ریال مایۆركا بەڕێوە بچێت.
