ئەستێرەی یاریگا؛ مستەفا حەنوون باشترین یاریزانی گەڕی دەیەمی خولی نایابی کوردستان بوو

یاریگا –

مستەفا حەنوون باشترین یاریزانی گەڕی دەیەمی خولی نایابی کوردستان بوو، کە دووەم وەرزە لەسەریەک تۆڕی وەرزشی یاریگا ئەستێرەی هەر گەڕێکی خولەکە دەستنیشان دەکات.

مستەفا حەنوون هێرشبەری هەندرێن باشترین یاریزانی گەڕی دەیەمی خولی نایابی کوردستان بوو، کە لە یاریی بەرامبەر شەقڵاوە دوو گۆڵ و ئەسیستێکی کرد، لە چرکەی 20 گۆڵی یەمەی کرد و دواتر لە خولەکی 30 بە لێدانی سزا گۆڵی دووەمی کرد، ئینجا لە خولەکی 68 ئەسیطیكی بۆ هێمن نازم کرد.

هەندرێن بە دوو گۆڵ و ئەسیستەکەی مستەفا حەنوون 3-0 لە شەقڵاوەی بردەوە و یەکەم سەرکەوتنی لەم وەرزەی خولی نایابی کوردستان بەدەستهێنا، بووە خاوەنی 7 خاڵ هاتە پلەی سێزدەمی خولەکە.

حەنوون لە بازاڕی گواستنەوەی هاوینەی یاریزانان لە ئاراراتەوە پەیوەنەی بە ریزەکانی هەندرێنەوە کرد، یەکەمجاربوو لەم وەرزە بە درێسی هەندرێن گۆڵ بکات.

لە گەڕی دەیەمی خولی نایابی کوردستان لە 7 یاری 17 گۆڵ تۆمارکران، واتە 2.42 گۆڵ لە هەر یارییەک، دوو پێناڵتی و کارتێکی سوور لەلایەن ناوبژیوانانەوە هەژمارکران و گۆڵێکی بەهەڵەش تۆمارکرا.