یاریگا –
هەفتەی داهاتوو ئێدواردۆ کاماڤینگای فەڕەنسی بۆ یاریکردن ئامادە دەبێت.
رۆژنامەی مارکا بڵاویکردووەتەوە، ئێدواردۆ کاماڤینگای ئەستێرەی ریال مەدرید بۆ یاریی کۆتایی جامی کیشوەرەکانیش ئامادە دەبێت، کە یارییەکە لە 18ـی ئەم مانگە لە یاریگای لوسەیل لە قەتەڕ بەڕێوەدەچێت.
کاماڤینگا لە یارییەکانی گەڕی پێنجەمی چامپیۆنزلیگ بەرامبەر لیڤەرپوول تووشی پێکان بوو. بەو هۆیە بەشداریی چوار یاریی رابردووی مێرێنگی نەکردووە.
🚨NEW: Eduardo Camavinga will play in FIFA Intercontinental Cup Final. @marca pic.twitter.com/1XvUnDcwPn
— Madrid Zone (@theMadridZone) December 11, 2024
یانە ئیسپانییەکە شەممەی داهاتوو لە یارییەکانی گەڕی حەڤدەی لالیگا دەبێتە میوانی رایۆ ڤاییکانۆ، دواتریش بۆ یاریی کۆتایی جامی کیشوەرەکان گەشتی قەتەر دەکات.
مەدریدییەکان لە یاریی کۆتایی رووبەڕووی براوەی یاریی نێوان ئەهلی میسڕی و پاچوکای مەکسیکی دەبنەوە، کە یارییەکە رۆژی شەممەی داهاتوو بەڕێوەدەچێت.
هاوکات ئەمڕۆ پشکنینی پزیشکی بۆ کیلیان ئێمباپێ دەکرێت، دواتریش ماوەی دوورکەوتنەوەی ئاشکرا دەکرێت، دەردەکەوێت دەتوانێت بەشداری یاریی کۆتایی پاڵەوانێتییەکە بکات یاخود نا.
Continental champions! 🗺️🏆
Destined for Doha. 👇 pic.twitter.com/yxTlJvgVG8
— FIFA Club World Cup (@FIFACWC) December 11, 2024
