یاریگا –
محەمەد سەڵاح، ئەستێرەی میسڕی یانەی لیڤەرپوولی ئینگلیزی بڕیاری كۆتایی لەسەر داهاتووی خۆی دا.
محەمەد سەڵاح لە هاوینی ساڵی 2017 لە ریزەكانی رۆماوە بە بەهای 42 ملیۆن یۆرۆ پەیوەندی بە لیڤەرپوولەوە كرد.
گرێبەستەكەی سەڵاح لەگەڵ رێدز لە هاوینی ساڵی داهاتوو بەسەردەچێت.
شەوی رابردوو لیڤەرپوول لە یاریگای ئانفێڵدی تایبەت بە خۆی میوانداری مانچێستەر سیتی كرد و یارییەكەشی بە ئەنجامی دوو گۆڵی بێ وەڵام لێ بردەوە، لە میانی یارییەكانی هەفتەی سیازدەی پرێمەرلیگ.
Mohamed Salah would accept a new one-year contract at Liverpool but is growing increasingly exasperated at the club’s handling of negotiations.#LFC
More from @Simon_Hughes__ ⬇️
— The Athletic | Football (@TheAthleticFC) December 2, 2024
بە گوێرەی زانیارییەكانی تۆڕی ئاتلێتیک، محەمەد سەڵاح رەزامەندی دەربڕیوە گرێبەستەكەی لەگەڵ لیڤەرپوول بۆ ماوەی ساڵێک نوێ بكاتەوە.
لە راپۆرتەكەشدا هاتووە، محەمەد سەڵاح لە دانوستانەكانی یانەكەی دەربارەی نوێكڕدنەوەی گریبەستەكەی توڕەیە، بەڵام رەزامەندی دەربڕیوە بۆ ماوەی ساڵێک گرێبەستەكەی نوێ بكاتەوە.
لە راپۆرتەكەی ئاتلێتیک هاتووە، سەڵاح ئامانجی یەكەمی مانەوەیە لە ریزەكانی یانەكەی، بەڵام پێی وایە ئێستا یەكێكە لە باشترین یاریزانەكانی جیهانە و بە پێی ئەو ئاستەی لە یاریگادا پێشكەشی دەكات، شایەنی گرێبەستێكی گەورەترە.
ئاماژە بەوەشكراوە، لیڤەرپوول پێی وایە دانوستانەكانی لەگەڵ رامی عەباس بەڕێوەبەری كارەكانی سەڵاح ئەرێنین.
