یاریگا –
شەش ساڵ زیاتر تێپەڕیوە بەسەر گرێبەستە مێژووییەکەی پاریس سان جێرمان و نێیمار دا سیلڤا کە تا ئێستاش گرانترین گواستنەوەی مێژووی تۆپی پێیە.
پاریسیەکان لە ساڵی 2017 توانیان بە بڕی 222 ملیۆن یۆرۆ ئەو ئەستێرە بەڕازیلیە لە بارسێلۆناوە بگوازنەوە. بڕی پارەکە ئەوکات و ئێستاشی لەگەڵبێت، جێگەی مشتومڕە و وا تازە بەند و مەرجی نوێی لێ ئاشکرادەکرێت.
بەگوێرەی نوێترین زانیارییەکان، گواستنەوەکەی نێیمار تەنها 222 ملیۆنەکە نەبووە، بەڵکوو تەژی بووە لە شیرین و پارەی زیادە.
میدیا ئینگلیزیەکان لێدوانێکی لویس برایۆنی راهێنەری ئەکادیمیای کریستاڵ پاڵاسیان بڵاوکردووەتەوە، کە مەرجێکی گرێبەستەکەی نێیماری درکاندووە.
لویس دەڵێ
شێتانەترین گرێبەست لە ژیانمدا بیستبێتم، ئەوەی نێیمار و پی ئێس جیە. لە کۆرسێکی راهێنەرایەتیدا لەگەڵ ئەندامێکی پاریسدا بووم. ئەو وتی نێیمار مەرجێک لە گرێبستەکەیدا هەبووە کە هەرکاتێک دوای یارییەک بڕۆشتایە بۆ لای هاندەرانی یانەکە و چەپڵەی بۆ لێدابان، ئەوا لە بەرامبەردا بڕی 200 هەزار یۆرۆی پێدەدرا
گواستنەوەی ئەو ئەستێرە بەڕازیلیە لەلایەن ناسر خلێفیەوە لە بنەڕەتدا بۆ بردنەوەی چامپیۆنزلیگ بوو کە یانەکەی لێی بێبەشە، بەڵام پاش 6 ساڵ یاریکردن بۆ یانەکەی پایتەختی فەڕەنسا، جگە لە پێکانی زۆر، نەیتوانی خەونی پاریسیەکان بکات بە ڕاستی و سەرەنجام باخچەی شازادەکانی جێهێشت و روویکردە هیلالی سعودی.
🗣️ Crystal Palace academy coach Lewis Bryon:
“The maddest clause I’ve heard is Neymar at PSG! On a coaching course, I was with a member of PSG’s staff. He said Neymar had a clause in his contract that every time he went over and claps the fans after a match, he gets a €200,000… pic.twitter.com/40NWWABKc0
— Football Tweet ⚽ (@Football__Tweet) November 26, 2024
