ریال مەدرید ئالێكساندەر ئارنۆڵد ئاگادار دەكاتەوە

یاریگا –

راپۆرتە رۆژنامەوانیەكان ئاشكرایانكرد یانەی ریال مەدریدی ئیسپانی ترێنت ئالێكساندەر ئارنۆڵد ئاگادار دەكاتەوە.

گرێبەستەكەی ئارنۆڵد لەگەڵ لیڤەرپوول لە هاوینی ساڵی 2025 بەسەردەچێت.

لە ماوەی رابردوودا سەرچاوەكان باسیان لەوە دەكرد، ریال مەدرید گرنگی بە گواستنەوەی ئالێكساندەر ئارنۆڵد دەدات و دەیەوێت لە هاوینی داهاتوودا بیگوازێتەوە ریزەكانی.

بە گوێرەی زانیارییەكانی تۆڕی TeamTalk ئارنۆڵد هۆشدارییەكی لەلایەن مەدریدەوە پێگەیشتووە، كە ئەگەر لە هاوینی 2025 وەك یاریزانێكی ئازاد پەیوەندی بە یانەكەوە نەكات ئەوا بۆ هەمیشە چانسی پەیوەندیكردنی بە یانە ئیسپانیەكەوە لەدەستدەدات.

لە راپۆرتەكەشدا هاتووە، ریال مەدرید بە ئارنۆڵدی راگەیاندووە ” یان ئێستا یان هەرگیز ” بەو مانایەی یان لە هاوینی 2025 پەیوەندی بە ریال مەدریدەوە بكە یاخود هەرگیز ئەو دەرفەتەت بۆ ناڕەخسێتەوە.

ئارنۆڵد لەگەڵ لیڤەرپوول 325 یاریی كردووە و توانیویەتی 19 گۆڵ بكات و 83 گۆڵیش درووست بكات.