وەین روونی هێرشبەرێکی لیڤەر پوول دەکاتە ئامانج
یاریگا-
وەین روونی سەرنجی خستووەتە سەر هێرشبەرە ئینگلیزییە تەمەن 18 ساڵەکەی لیڤەرپوول، تاوەکوو هێڵی هێرشبەری پلایمۆس بەهێزتر بکات.
بەگوێرەی رۆژنامەی “سان”ی بەریتانی، وەین روونی ئەفسانەی یانەی مانچێستەر یونایتد و راهێنەری پلایمۆس، ئامادەیە ئۆفەرێک پێشکەش بە لیڤەرپوول بکات بۆ گواستنەوەی جەیدن دانس، هێرشبەری تەمەن 18 ساڵانەکەی رێدز.
ئەفسانەی مانچێستەر یونایتد لەوەتەی لە هاویندا وەک راهێنەری پلایمۆس دەستنیشانکراوە، سەرەتایەکی هەوراز و نشێوی لەگەڵ یانەکە دەستپێکردووە، .
روونی تەمەن 39 ساڵ، بە 4 بردنەوە و 5 یەکسانبوون و 7 دۆڕان، پلایمۆسی لە ریزبەندی 19یەمی چامپیۆنزشیپ جێگیر کردووە و لە 16 یاری یەکەمی خۆیدا تەنیا 17 گۆڵی تۆمارکردووە.
ئەمەش وایکردووە روونی لە وەرزی زستاندا چاوی لە بازاڕی گواستنەوەکان بێت بۆ ئەوەی بە خواستن هێرشبەرێک بۆ هێڵی هێرشبەری تیپەکەی زیاد بکات.
Transfer news LIVE! ✍
Jayden Danns eyed up by Wayne Rooney as Plymouth plot loan swoop for Liverpool teenager
⬇⬇⬇https://t.co/wtv7oD9NSs pic.twitter.com/VUw9u8DRIy
— Daily Record Sport (@Record_Sport) November 25, 2024
جەیدن دانسی تەمەن 18 ساڵ، دوای چاکبوونەوەی لە پێکان، دەستی بە مەشق و راهێنانەکان کردەوە و ئامانجی ئەوەیە پێش دەستپێکردنی ساڵی نوێ بگەڕێتەوە ناو یاریگا. ئارنێ سلۆتی راهێنەری رێدز، گەر بزانێت گواستنەوەی بە شێوەی خواستن سوودی دەبێطت بۆ بەرەو پێش چوونی ئاستی یاریزانەکە ئەوا ئامادەیە بە خواستن پێشکەشی روونی بکات.
گواستنەوەی بە خواستن بۆ پلایمۆس دەتوانێت سوودی بۆ دانس هەبێت، چونکە هێرشبەرە لاوەکە دەتوانێت سوود لە ئەزموونی روونی وەربگرێت، کە 13 ساڵ لەگەڵ مانچێستەر یونایتد و 15 ساڵ لەگەڵ هەڵبژاردەی ئینگلتەرا وەک هێرشبەر یاریی کردووە.
دانس لە پێنج یاریدا یاریی بۆ لیڤەرپوول کردووە. لە مانگی شوباتی رابردوودا دوو گۆڵی بۆ یانەکەی مێرسیساید کردووە.
هەروەها لە یاری کۆتایی جامی یەکێتی ئینگلتەرا بەرامبەر چێڵسی یاری بۆ لیڤەرپوول کرد.
