فەرمی؛ مانچێستەر سیتی نوێکردنەوەی گرێبەستی فەیلەسوف رادەگەیەنێت
یاریگا –
بەفەرمی پێپ گواردیۆلا گرێبەستەکەی لەگەڵ مانچێستەر سیتی نوێدەکاتەوە.
ماڵپەڕی فەرمی مانچێستەر سیتی بڵاویکردووەتەوە، بەشێوەیەکی فەرمی لەگەڵ پێپ گواردیۆلای راهێنەری یانەکە گەیشتوونەتە رێککەوتن و گرێبەستەکەی فەیلەسوف نوێکراوەتەوە.
— Manchester City (@ManCity) November 21, 2024
بەگوێرەی زانیارییەکانی ڕۆژنامەنووسی تۆڕی رێلێڤۆ ماتیۆ مۆریتۆ، گرێبەستە نوێیەکەی پێپ لەگەڵ سیتیزن بۆ ماوەی دوو وەرز دەبێت و مەرجی زۆر لەخۆ دەگرێت.
En breve, el Manchester City anunciará la renovación de Pep Guardiola.
Será una renovación por dos años pero con muchas cláusulas dentro del acuerdo. pic.twitter.com/e9LAJBe8IN
— Matteo Moretto (@MatteMoretto) November 21, 2024
گواردیۆلا لەبارەی نوێکردنەوەی گرێبەستەکەی؛
ماوەی نۆ وەرزە لێرەم، بەڕاستی هەستێکی تایبەتم بۆ مانچێستەر سیتی هەیە، دڵخۆشم بۆ دوو وەرزی دیکە دەمێنمەوە.
سوپاسی هەموو ئەوانە دەکەم متمانەیان پێمە و بەردەوام پشتگیریم دەکەن. ئێستا کاتی ئەوەیە زیاتر بەرەو پێش بچین و نازناوی زیاتر بەدەست بهێنین.
گواردیۆلا لە هاوینی 2016 دوای جێهێشتنی بایرن میونشن پۆستی راهێنەرایەتی مانچێستەر سیتی وەرگرتووە و نۆ وەرزی بەدوای یەکە راهێنەری بلوو موونە.
گواردیۆلا لەگەڵ مانچێستەر سیتی لە 490 یاریی خاوەن 360 بردنەوەیە، 60 یاریی یەکسانبووە و 70 یارییش دۆڕاوە.
٦ پرێمەرلیگ، ١ چامپیۆنزلیگ، ١ سوپەری ئەوروپا، ١ جامی جیهانی یانەکان، ٢ جامی یەکێتی ئینگڵتەڕا، ٤ جامی خولی ئینگڵتەڕا و ٣ قەڵغانی ئینگڵتەڕای لەگەڵ سیتیزن بەدەستهێناوە.
We are absolutely delighted to announce that @PepTeam has signed a contract extension 🙌
ℹ️ https://t.co/CpapgHil5f pic.twitter.com/Ue1md3f12A
— Manchester City (@ManCity) November 21, 2024
