مانچێستەر سیتی شوێنگرەوەی رۆدری دەستنیشان دەکات

یاریگا –

مانچێستەر سیتی هەوڵەکانی بۆ گواستنەوەی ئێدێرسن، یاریسازی ئاتاڵانتا دەستپێکردووە.

لەوەتەی دوورکەوتنەوەی رۆدری بەهۆی پێکان، مانچێستەر سیتی بەدوای دۆزینەوەی جێگرەوەیەک وێڵە. رۆژنامەی موندۆ دێپۆرتیڤۆ بڵاویکردووەتەوە، مان سیتی بڕی 60 ملیۆن یۆرۆی بۆ گواستنەوەی یاریزانەکەی ئاتاڵانتا تەرخانکردووە، هەرچەندە لەلایەن یوڤێنتوس و پاریس سانجێرمانیش داواکراوە.

پێناچێت رۆدری لەم وەرزە هیچ یارییەکی دیکە بکاتەوە، بۆیە پێپ گواردیۆلا دەیەوێت هەرچی زووە، شوێنگرەوەکەی دەستنیشان بکرێت و پارێزگاری لە ریکۆردی بردنەوەی نازناوەکان بکات.

ئێدەرسن کاروانی وەرزش لەگەڵ دێپۆرتیڤۆی برازسیلی بەڕازیلی دەستپێکردووە، دواتر یاریی بۆ یانەکانی کروزێرۆ و کۆرینتیانس کردووە و لە زستانی ساڵی 2022 گرێبەستێکی لەگەڵ سالێرنیتانا واژۆکرد و ساڵێک دواتر، بووە یاریزانی ئاتاڵانتا. لەو ساتەوە 107 یاریی بۆ یانەکەی جیان پیێرۆ گاسپێرینی کردووە و خاوەنی 9 گۆڵە.