یاریگا-
ئالفۆنسۆ دەیڤز بەرگریکاری کەندی یانەی بایرن میونشن گرێبەستەکەی لەگەڵ یانە ئەڵمانییەکە نوێ ناکاتەوە و چاوەڕوان دەکرێت لە بازاڕی گواستنەوەی زستانەدا پەیوەندی بە ریاڵ مەدریدەوە بکات.
فیلێکس دیاز رۆژنامەنوسی مارکا، هەواڵی رێكکەوتنی ریاڵ مەدریدی لەگەڵ دەیڤز ئاشکراکرد و بە پێی ئەو سەرچاوەیە دەیڤز لە بازاڕی گواستنەوەی زستانەدا پەیوەندی بە یانە ئیسپانییەکەوە دەکات.
فیلێکس دیاز ئەوەشی ئاشکرا کرد، جگە لە ئۆفەری بایرن میونشن بۆ تازەکردنەوەی گرێبەستەکەی، دەیڤز چەند ئۆفەرێکی هەریەک لە یانەکانی بارسێلۆنا و مان یونایتدی رەتکردوەتەوە.
ئالفۆنسۆ دەیڤزی تەمەن 24 ساڵان، ئەم وەرزە کە حەوتەم وەرزیەتی لەگەڵ بایرن میونشن بەشداری 15 یاری کردووە.
