چارەنووسی یارییەکەی هەولێر و ئاکرێ ئاشکرا بوو

یاریگا –

بە هۆی خراپی یاریگای دووەمی فرانسۆ هەریری یاریی هەولێر و ئاکرێ بەڕێوە نەچوو.

لە گەڕی دووەمی خولی نایابی کوردستان، چوارشەممە ( 13ـی نۆڤێمبەری 2024 )  یاریی نێوان هەولێر و ئاکرێ بە هۆی خراپی یاریگای دووەمی فرانسۆ هەریری بەڕێوە نەچوو، لە بەدوا داچوونێکی یاریگادا ئەوە زانراوە کە یارییەکە بە فەرمی بۆ کاتێکی نادیار دواخراوە و هیچ بەروارێک بۆ بەڕێوەچوونی یارییەکە دەستنیشان نەکراوە.

پێشووتر لە رێگای لیژنەیەکی تایبەتی یەکێتی تۆپی پێی کوردستان کە سەردانی یاریگای دووەمی فرانسو هەریری کرابوو، بە هەولێر راگەیەنرا بوو کە یاریگاکەیان شیاوی یاریکردن نیە و پێویستە یاریگایەکی تر دەستنیشان بکەن بۆ بەڕێوەچوونی یارییەکانیان.