مۆدریچ: لە هەموو رووییەکەوە خراپین و دابەش بووین

لوکا مۆدریچ بە راشکاوانە باس لەوە دەکات، ریاڵ مەدرید لە هەموو رووییەکەوە دۆخی خراپە و لەنێو یاریگادا یەکگرتوونین.

شەوی رابردوو، ریاڵ مەدرید تووشی دووهەم شكستی دوای یەک هات و بەرامبەر ئەیسی میلان 1-3 دۆڕا لە یاریگای خۆیدا. مۆدریچ بۆ ماڵپەڕی فەرمی یوێفا وتی

شەوێکی دیکەی هیوابڕ بوو، قورسە بزانین چی روویدا. باش یاریمان نەکرد و میلان باشتر دەرکەوت، لە چەند ساتێکدا خراپ نەبووین بەڵام ئەمە ئاستی ئێمە نیە.  کێشەکە تەنها لە یەک بەشەوە نیە، بەڵکوو لە هەموو روویەکەوەیە. پێویستە وەک تیم یەکگرتووتر بین لەنێو یاریگا ئێستا دابەش بووین. دەبێت  چارەسەرێک بدۆزینەوە تاوەکو بگەینەوە بەو هێزەی جاران. من 12 ساڵە لێرەم و ئەمە یەکەمجار نیە تووشی ئەم دۆخە دەبین. هەبوونی یاریزانی ئاست بەرز بەتەنها بەس نیە بەڵکو دەبێت وەک یەک تیم یاری بکەین

ریاڵ مەدرید لەم وەرزەدا نۆ خاڵ دوورە لە بارسا لە لالیگا (یارییەک کەمتری ئەنجامداوە) لە خولی پاڵەوانەکانیش لە چوار یاریدا تەنها دوو بردنەوەی هەیە.